هەتا کەنگی میکیاژکرنا ماسک و دڕۆیشما !؟

 پەیبەر پەنابەر

ئەنجامێ دڕویشم و درەوا هەر دورانە ئەڤڕویان سبە دێ ئەنجام وێ راستیێ دیار کەن لەوما بلا د راستگو و شەفاف بین ئەگەر نە یا مایی ژی دێ ل دەست دەین . دروشم یان راگەهاندن یان فتوایێن مەلا میمبەرێن هزر فروش و گوتارێن قەلەم فروشا نکارن شکەست و ئەزمە و قەیرانا چەندین سالا ڤەشێرن یان جارەسەر کەن ژ بەرکو ئەگەرا ئەنجامێت هەین و ئەنجام ژی دیارن .
زور جار دوبارە دکەم و دبێژم پەیوەندیا مێژکی ب لەشی ڤە وەک یا سەرکردەیە ب چڤاکی ڤە ، ئەگەر مێژکەکێ ئێفلیچ بو بێ گومان دێ چەستەژی ئێفلیچ کەت و ژ کار ئێخیت لەوما گەلەکا گرنگە مڕوڤێت هەژی ل جهێن هەژی بن ، ئەڤە باندورەکا راستەو خو دکەتە سەر پێشڤەچون و پاشکەفتنا وەلاتا و مللەتا لەو ما بو خودانکرنا تەرشو کەوالی تو پێتڤی شڤانەکێ ژێهاتی یی ، بو کرنا گوڵا تو پێتڤی یاریزانەکێ لێزانی ، بو چاندنێ و گشتو کالی تو پێتڤی جوتیارەکێ خودان ئەزمونی ، بو گرتنا ماسیا توپێتڤی ب ماسی گرەکێ مەلەڤانی ، ئها وەسا بو رێڤەبڕنا وەلاتەکێ و مللەتەکێ ژی تو پێتڤی سیاسیەکێ شارەزا و خودان ئەزمونی . لەوما د وێ باوەرێ دامە سیاسەت تشتەکێ گشت گیرە و باندوڕێ سەر هەر تشتەکی دکەت ئانکو ئەگەر تە سیاسەتەکا باش هەبیت دیارە تە سیاسیێن سەرکەفتی یێن هەی لەوما د هەربوارەکێ دا سەرکەفتن و پێشدەچون خویایە .

لێ ئەگەر پێچەوانەی وی هەر چ کابینە و خول و وەزارەت و سازی و سەکتەرەکێ فەرمی و نەفەرمی حزبی و حکومی دا تە شکەستن و ئەزمە و قەیران تومارکرن و هژمارتن ، ئەڤە بێ گومان کالفام و نەزان و پاشڤەرو یێ وەلاتی ب رێڤە دبن و دەرئەنجام و جاڕەنفیسێن نەرێنی ونەباش و کارەساتبار یێ د ڕێ دا .
ئەلبەت ئەڤڕو بەرهەمێ دوهی یە و یامە چاندی مە دیت و مە دڕۆی .

ئەرێ گەلو ئەگەر ئەم ژخوە ب پرسین خەلک باجا دەستهەلاتێ ددەت یان دەستهەلات باجا خەلکی ددەت ؟!
یان ژی هەڕدوو کێمترخەمن بەرامبەر وان ئەرک و ماف و خەون و ئارمانجا یێن کو پتر ژ سەدەیەکێ یە ب ناڤێ نەتەوە ونشتمانی قوربانیا بو ددەین ؟!

ئەلبەتە پشکا شێری بەر رێبەر ورایەداڕێن مە دکەڤیت کو ب باوەرا من چ سیمایەکێ زانستی ئەکادمی لنگ نەبویە و د نوکە ژی دا نینە چونکە ئەگەر هەبا دا شوپ و شوین دەست د دیار بن هەر چ نەبا دا د فەرمانەکێ یان فەرمانگەهەکێ دا سەرکەفتی بن .
گەلو کا ئەم ژ خوە ب پرسین
ئایا د سیاسەتێ دا سەرکەفتی بون؟
بێ دوو دلی نەخێر!
ئایا د دپلوماسیەتێ دا سەر کەفتی بون ؟
بێ گومان نەخێر ! ئایا د ئابوری و لەشکەری و تاداویێ سەرکەفتی بون بێ گومان نەخێر!
تەنها د ڤان بیاڤ و سالوخەتا دا نەبیت براستی ژی پڕوفیشنەلن دزی قەجاخجی قەیران و ژدەستانا دەستکەفت و پیروزیا ب رادەیەکێ کو بوینە جهێ گومانێ لنگ هەر خودان وژدانەکێ نشتمان پەروەر ، ئەڤە ژی هەمی ژ نەبونا پراکتیزەکرنا سیاسەتەکا ژکار کەتی و سقەت و مژدار ئانکو نەشەفافیەتەکا موتلەق کو هیچ سازیەکێ یان سەکتەرەکێ ئاگەداڕی کار و پێشهات و ئەرک و فەرمانێن یادی ڤە نینن و بتایبەت جادە بێ ئاگایە ژ هەر هەبونەکێ چ کور و کومبون چ سەرەدان چ داهات و خەرجیات چ یاساو ریسا لەوما ژی د سالێن بوری دا ژ خەیالا دەولەتێ هەر تشت مە ژ دەست دا وە دابەزینە خالا سفڕێ و تائەڤرو بەرەف خەونێن موچەی و فەرمانبەری ژ وێ ژی کێمتر ئەو دەستهەلاتا هندە ب هێز خوە نیشانێ خەلکێ خوە ددا ئیرو بویە لێبوک د دەستێ ژنەکا عەرەب کە دوو هەیڤا جاڕەکێ ئیمزایەکێ ل سەر خەرچکرنا موچێن فەرمانبەرێن هەرێمێ ناکەت .
ئەڤ یێەکە نە موعجیزەیە لێ یا ژوێ موعجیزە تر حکومەتەکا ب هەمی ڤە ئێکسپایر و ل سەر لێڤا گوری دان ب شکەستێن خوناکەت ب خوەدا ناچیت و هێشتا یا دڕویشما میکاژ دکەت و بریقەداڕ دکەت و دبێژیتە خەلکی خو راگرن ئەم بەرامبەری هەر هەبونەکێ ب هێزین و نە ئامادەنە دان ب هەلەیێن خو دابنن و دەست بەرداڕێ کورسیکێن خو بن .
خەلک چاک دزانیت دسالابوری دا مە چ ژ دەست دا لێ ئیسال ئەم دێ چ ژدەست دەین یان چ مایە مە ل دەست نە دای، لەوما یا فەرە خەلک بخوە دا بچیت و ئەڤ ئەزمونا هەی بەرهەمێ قوربانیا وایە و پێتڤیە لێ خودان دەرکەڤن ئەگەر نە زوڕ ب ساناهی ل سەر سێنیەکا ئالتونی دێ پێشکێشی نسکویەکا دی کەن و ستویێ ڤی خەلکی هێلنە ل بەر چەقویا دوژمنا.