بزمار
مهەمەد چەلکی
(٣٣)
بەروپشت
- “بەر ل جهێ خوەی بقەدرە”، لێ ئەڤرۆ چاڤێ هەر کەسی ل دەلیڤەکییە، خوە بهەلینت و رێکا غوربەتێ بگرت.
- ” وەریسێ درەوا یێ کورتە”، ل ڤێ هەرێما دبێژنێ رۆژهەلات یێ ل بەندێ هەڤسارێ دەجالی بکێشن!
- ” نان بۆ نان پێژی و گۆشت بۆ قەسابی”، ل ڤێرە نان بۆ مەلاقی و گۆشت بۆ نەترۆیانە.**
- ب تنێ ل هەرێمێ درەوا هەمی درەو شەرمێ ژێ دکەن: “دنیا ب بت بهۆست، دوژمن نابت دۆست”.
- دەمێ پارڤەکرنا مۆچەی و سەرژمێریاریا گشتی هاتە دیارکرن. ڕاپۆرتا وەزارەتا گەهاندنا هەرێمێ بۆ دەزگایێن مەدیا گوندێ ” خرابکوبێسەرا”!**
- “شلدم بلدم بێهنا مرۆڤێن بیانی یا دهێت”، موختارێ تاخێ مەدبێژیت: ” هەبت نەبت ئەڤە چاڤ نەبارێن ب رەوشا ئارا مە دبێژن”.
- ” بەرێ مەزن نیشانا نەهاڤێتنێیە”، لێ کی دێ بەردەڤکێن حزبا تێگەهینت!
** نەترۆ: ئەو کەسێن چ کارا نەکن.
** خرابکوبێسەرا پەیچەکە هەڤالی نڤیسەرێ حەنەکی(تەنز، ساتیر) داودێ ئینسێ خەجێ برێڤە دبت و موختارێ گوندییە!!