“مەمنوع مینە ئەلسەرف”بزمار

(٢٨)

مهەممەد چەلکی

• سیاسەتا حزبێن کوردی وەک سندۆقێن باجانکێن کوردییە، سەرڤە دباش و دەلالن لێ ژناڤدا ئێک ناچیتە دقازنێدا!
• ل هەر جهەکی تە دیت لژنە بۆ چارەسەریا ئاریشەیان دزۆرن، بزانە تو هێشتا یێ ل کوردستانێ.
• دبێژن: ” حوکمەت بابێ مللەتییە”، لێ د ڕاستیێ دا حوکمەت ل هندەک جها: حوکمەتا پۆینت تو پۆینتا باجێیە!!
• هەرکەس یێ بووی نەرازی، رێزا گەهەشتی حوکمەتێ و قازی.
• هندی من دیتی و گولێبووی، هەمی دبێژن خوەزییا پار، بۆ سوبەهی کەسەکی نینە چ پلان و نەخشەکار.
• گەلەک سەرکردە خوە بەرامبەری ئاریشێن خەلکی ب بەرپرسیار نزانن، چونکو خوە ب “مەمنوع مینە ئەلسەرف” دزانن.
• چویڤێ “بەغدا” مە ب نییەت سافییا خوە ستویرکر، داخویانیێن بەرپرسان ئێدی هەوارا دویف گورگییە!
• کارەب ئەو مێهاڤانێ هەموو مال دەرگەهی بۆ ل تاق دهێلن ب تایبەت ل زڤستان و هاڤینان، حوکمەتێ یێ تەسلیمی کەرتێ تایبەت کری، مێهڤانێ دل حەبین ژی گەهەشتە رێزا ” مەمنوع مینە ئەلسەرف” .
• ترانەکەر قۆمارێ ب دەمێ مە دکەن، سیاسی ب پاشەرۆژا مە.
• گۆما کوردی ژ ئاریشەیێن چاڤەرێی چارەسەریێ یا پەنگیای، ب پفەکا ژ دەرڤە ب تایبەت ژ بەغدا بهێتێ، دێ پەقیت.
  ئاقلمەندەک:” چ دکەن کارێ، ئەو دهێت خارێ” ، عەقلێ کوردی ” مەمنوع مینە ئەلسەرفە”.