باڤل تالەبانی و ئێکەتیەکا بێ ئێکەتی
مهممەد چەلکی
چەرتبوون یان ژێکڤەبوون ئێشەکە تەڤایا حزبێن کوردستانی ڤەگرتی و چ حزبێن کوردی نەمانە نەخوەشیا ژێکڤەبوونێ نەگرتبیت. سەدەمێن ڤان کەرتبوون و چەرتبوونان پرانی نە ل سەر شێوێ خەبات و باشترکرنا خەباتێیە بۆ گەهەشتنا مەرەما حزب بۆ هاتیە دامەزراندن، بەلکو پرانی دکەسۆکینە و حەزا سەرکرداتیێ و بوونا کەسێ ئێکێیە!
ئەزموونا کەرتبوونا حزبێن کوردی وێ ئێکێ نیشا مە ددەت، کو لایێ کەرتبووی زیان پێکەفتیێ یەکەمینە و دەست ڤالا ژ وێ کەرتبوونێ دبینیت، ل داویێ نەچار دبیت بڤەگەریتە سەر کاسکا زەرا حزبا دایک!! نموون هند دزۆرن هەوجە ناکەت، چ نموونا بینین.
ژ وان حزبێن بەردەوام کەرتبوونێ بەرووکا وێ گرتی ئێکەتیا نیشتیمانی کوردستانە (ی.ن.ک). تەمەنێ ڤێ حزبێ پرە ژ کەرتبوونێ و کەرتبوونا هەری بژان دەرکەفتنا نەوشێروان مستەفای بوو ژ (ی.ن.ک) و دامەزراندنا بزڤا گۆڕان بوو. ئەڤێ کەرتبوونێ بڕبڕا پشتا ئێکەتیێ شکاند و قەبارێ وێ گەلەک بچویک کر، ئەگەر ب سایا کاریزما رەحمەتی مام جەلال تالەبانی نەبایە هەر هینگێ حزبەک ل کوردستانێ نەدما ب ناڤێ ئێکەتی نیشتیمانی کوردستان، دا چەندین حزبێن ڕەوت و هەلویست جودا پەیدا بن، ژ خوە ئەگەر مابایە ژی دا یا بێ باندۆر بیت ل سەر روودانان و بێ پێگەه بت.ئانکو یا ئێکەتی هێلای وەک حزب کاریزما رەحمەتی مام جەلالی بوو، لەوان ب وەفاتا مام جەلالی رەوشا ئێکەتیێ رۆژ بۆ رۆژێ بەر هلوەشیان و بێ رۆهنیا هەلوێستێن سیاسی چوو و کەفتە دگێژەڤانکا ئاریشان دا و تەڤ ژی پەیوەندی ب شێوێ سەرکرداتییێ و هەلوێستێن وێ یێن دویری پرەنسیبێن وێ ئێکەتیا مام جەلالی دخاست. د کۆنگرێ جارێ دا (٢١-٢٨)-١٢-٢٠١٩ ئێکەتیەکا جودا ژ ئێکەتیا سەردەمی رەحمەتی مام جەلالی. د وێ کۆنگەێ دا پۆستێ سکرتێرێ گشتی هاتە ڕاکرن و ل جهێ وی سیستەمێ هەڤسەرۆکاتیێ دامەزراند. دامەزراندنا سیستەمێ هەڤسەرۆکاتیێ د حزبەکا حو ب سوشیال دەمکورات دزانت، ب خوە دویرکەفتنە ژ پرەنسیبێن دیمۆکراتیێ، هەبوونا دوو سەرۆکا دحزبەکێدا دێ بیتە ئاریشەکا مەزن و پەیدابوونا کۆمکێن دژ هەڤ، هەر ئێک ب ئاراستەیەکیڤە بچت، تا بگەهتە باسک قڕاندنا هەڤ. پشتی دامەزراندنا سیستەمێ هەڤسەرۆکاتیێ گەلەک نەڤەکێشا کودەتایا بافلی رویدا ل ٨ تەمووزا ٢٠٢١ێ و هەڤسەرۆک لاهۆر شێخ جەنگی ژ حزبا ئێکەتیێ دەرێخست، هەرچەندە ئەگەر ب دەنگێن کۆنگرێ چارێ بایە دڤیابا لاهۆر شێخ جەنگی ببیتە سەرۆکێ ئێکەتیا نیشتیمانی کوردستانی.
لاهۆر شێخ جەنگی گەلەک بزاڤکرن کو بزڤرتەڤە ناڤ ئێکەتیێ و بەلکو هەر خوە ب سەرۆکێ ئێکەتیێ و شوینگرێ رێبازا مام جەلالی دادنیت. بافل تالەبانی داکو رێکێ ل زڤرینا لاهۆر شێخ جەنگی بگریت، بلەز و بەز و بێی خوە ئامادەکرن بریارا ئەنجامدانا کۆنگرێ پێنجێ دا و بۆ هەتا هەتایێ لاهۆر شێخ جەنگێ ژ ئێکەتیێ دویر بکەت.
کۆنگرە د ژاینا حزبایەتیێ دا قۆناغا هەری گرنگە، ب وێستەگەها چارەسەرکرنا ئاریشەیێن حزبێ و هێلا گشتیا خەباتێ تێدا دهێتە دیارکرن، ئایا ئەڤ کۆنگرێ حزبا ئێکەتیێ کۆنگرەک حزبییە ئان کۆنگرەک بافلییە؟ هەلبەت کۆنگرەک بافلییە و سەپاندنا بافلیە وەک سەرۆکەک بێ هەڤ ڕکە، ئەڤە داخازا بافلییە لێ د ناڤ حزبێدا چ دگوزەرت ئەڤە یا گرنگە. ئاماژە هەمی بۆ وێ ئێکێ دچن ئەڤ کۆنگرە ل مستەر بافلی دێ بیتە پایزا عەمرێ وی یێ سیاسی و هەلوەرینا چەپکە نێرگزێن مام جەلالی. سەدەم گەلەکن، تەڤ ژی پەیوەندیا هەی ب چەوانیا پێکهەتەیا ئێکەتیێ کو حزبەکە خوەدی بالێن سیاسی یێن جودانە، بافلی ژی ئەو کەساتیا کارزمایی نینە بشێت وان بالان پێکڤە برەهمینیت و ئەجندایەکا نیشتیمانی و کوردستانی بکەتە هێلێن ستراتیجیەکا پاش کۆنگرێ پێنجێ. ب دەرکرنا لاهۆر شێخ جەنگی و بریارا بەستنا کۆنگرێ پێنجێ بڤی رەنگێ هاتیە کرن، دێ ئێکەتیێ وەک حزب بەر ب وێستەگەها دوماهیێ بەت، هەر ئەڤ ئەگەرەنە بوونە پالدەر کو لاهۆر شێخ جەنگی ب لیستەکا سەربخۆ ب ناڤێ ” لیستی گەل پەسەند” ٠( دبت ناڤێ لیستێ بهێتە گوهارتن) داکەڤتە قادا سیاسەتێ و هەلبژارتنان و دوور نینە دگەل تەڤایا ئەوێن تۆڕە ژ سیاسەتا مستەر بافلی حزبەکێ ب دامەزرینن. بافل و هەڤ ئاوازێن وی باش دزانن کانێ لاهۆر شێخ جەنگی خوەدی چ پێگەهەکیە د ناڤ ئێکەتیێ دا.
وەک دیار لاهۆر شێخ جەنگی دگەل پرانیا کەسێن ژ ئێکەتیێ دلمای ماین و ل مال روینشتنە هەلبەت نەهندکن و گەلەک ژ وان خوەدی پێگەهەکێ مەزنن د ناڤ ئێکەتیێ دا دانوستاندن کریە بۆ قۆناغا بهێت بەرهەڤیێن خوە دکەن. ئەڤ بەرهەڤیە دێ بافلی هێلن د ناڤ ئێکەتیەکا بێ ئێکەتی دا.