دایێ لەیلێ٭٭٭

مهەممەد چەلکی

سیهو پێنج ساڵە
خەلیل، ستار، مراد، ئیبراهیم…. و یاقویب و پسمامێن دی
هێشتا چاڤ ژ رۆندکا زوها نەبووینە
ل دل و مالێن مە تازیە
لێ ئەڤرۆکە ژ هەر رۆژەک دی بشینی و تازیترین
هوین دزانن بۆ؟
چونکو ئەڤرۆ
دایکا لەیلا یا ل رێزا پشت ئەنفالچیان
یا ل هەستیکێن وە دنێریت
چاڤ ڤۆلکانا ڕۆندکانە
نەشێت خوە ل سەر پیان بگریت.
وەی لەیلێ بۆ ڤێ خەمێ
ڤێ ئێشێ و ڤێ برینێ
چ ڕەش رۆژە ئەم کەتینێ
ئەنفالچی
ل بیرەوەریا ئەنفالێ
ل پێشیا مەنە
دگەل بەر پرسا دێم بکەنینە
نە کەسێ های ل خەما تەیە
نەکەسێ های ل خەما مەیە
دایێ لەیلێ
سیهو پێنج ساڵە
هەر رۆژ کوترا دلێ مە دفڕیت
ل کورێمێ
تازیێ دشارینیت
دیوانا ئەنفالچیان
ژ بەرپرسان دخمخمیت
پێکا لێکدەن
لیقێنێن وان
عەسمانی کەڕ دکەن
لێ دلێن مە
ڕۆندک و ژان ژێ دباریت.
دایێ لەیلێ
دل تژیە ژ خەم و کۆڤان و واوەیلایێ.
٭٭٭ ئەڤە وێنێ ژنخالا من لەیلالیێیە ل سەر گۆرێ بکۆمێن مرۆڤێن مە و کورێمەیا یا سەحدکەتە هەستیکێن لاوێن خوە بەلکو ناس بکەت، کیشکە ژ وان کورێ وێیە!!
٭٭٭ ناڤێن پسمام و کورخالێن منن. هەمی ژی هەڤ تەمەنێن منن.