خو چەماندن یان خونەچەماندن وەک دروشم و کردار
پەیبەر پەنابەر ..
خوە چەماندن سالوخەتەک جوانە و ب تایبەت ئەگەر ب تەرازویا ئەدەب وەک جڤاک و ئەخلاق وەک تاکەکەس تەماشەکەینێ و ب کێشین و ب پیڤین ، بێ گومان خوچەماندن وەک ئەدەب نەک تەنها دناڤ جڤاکێ مڕوڤان دا هەیە ، بەلکو دناڤا ژینگەهێ ژی دا هەیە !
تو تەماشەکە ئەو گیانداڕێن خوەدچەمینن گیانداڕێن بنڕخ و بهانە وبەڕهەمدارن بونمونە گیانداڕێن شیڕ دەڕ گیانداڕێن سیاڕبونێ و بار هەلگڕیێ گیانداڕێن پاسەوانی و نێجیرڤانیێ ئانکو ب کوڕتی ئەڤ گیانداڕێن د خزمەتا مڕوڤان دا ئەون یێن خوە بو چڤاکێ مڕوڤایەتیێ چەماندین و ب بەڕهەمێن خوە وخزمەتاخوە کەتینە د خزمەتا چڤاکێن مڕوڤایەتیێ دانە.
لێ ئەو گیانداڕێن کو دڕوندە و توند و تولن ئەون یێن کو بوینە مەتڕسی ل سەڕ هەمی مڕوڤایەتیێ و ژینگەهێ !
دیسان تو تەماشەی داڕێن بەڕهەمداڕبکە ب فیقیێن خوە یێن بتام و جوانیا ڕەنگو قەباڕێن خوەیێن جودا جودا بەژنا خوەیا خواڕکڕی ل بەڕدەم خزمەتا مڕوڤاهیێ ، ئەڤ داڕێن کو مینا سپینداڕێ ژی دڤن بلندو بێ بەڕهەم کو تەنێ سیبەڕێ ل خوەدکەن ل توکەسی ناکەن دکەڤن بن باڕێن گڕان و بن ڕەحما دەڤێ بڤرو داسا !
دئالیێ ئەخلاقی ژی دا وەک تاک خو چەماندن ل هەمبەڕێ بابێ خوە ماموستای خوە زانایێ خوە پێشەنگ و سەرکردێن خوە دایکێن دل شەواتێن شەهیدێن خوە پیرو پێکەفتیێن خوە دیسان سالوخەتەک جوان و رێزەک تایبەتە و سالوخەتێن مڕوڤێن زانا ودانا و ژ هەژی نە .
ئانکو ئەگەر ڕێزێ ل کەسێ نەگڕی کەس ژی ڕێزێ ل تە ناگڕیت ،هەڕ دیسان ژی د ملێ( لەشکەڕی) دا ئێک ژ گڕنگتڕین پێنگاڤێن ئەکادمیا لەشکەڕیا جیهانی خوە چەماندنە بو دوو مەبەستا ، یائێکێ دا نەبیە قوربانی !!
یادووێ دا دوژنی بکەیە قوربانی!!
ئانکو هونەڕێ زانستێ جەنگی یە لەوما ژی چ شانازی د خو نەجەماندنێ دا نینە، بتایبەت ئەگەڕ خودانێت دڕویشمێ خونەچەماندنێ ل دیروکا خوە ڤەگەڕن کو (هیچ دوژمنەک نەمایە وە خوە بونەچەماندی و بەرو بنگوهێن وان ماج نەکرین ، هیچ پڕوتوکولەک سیاسی و دبلوماسی و لوجستی و ئابوڕی نەمایه هەوە خوە بونە چەماندی ، تەنێ یێن کو هەوە خوە بونە چەماندی مللەتێ هەوەیە ، ڕولێت مللەتێ هەوەنە، و پارت و ڕێکخراوێن هەوەنە ).
ئانکو ئەڤ (دەستە واژە) نە دەستەواژەک هشمەندی و لوژیکی و ستڕاتیژی و ئایندەیی یە بەلکو دەڕبرینێ ژئاستێ هوشیاڕی و ڕوشنبیڕی و زانستیا وە دکەت . دیسان دوو بارە دبێژم ( وە خوە بو هەر دوژمنەکێ یێ چەماندی تنێ دوستێن مللەتێ کوڕد و کوڕد بخو نەبن ) هەتا هون خوە بو مللەتێ خوە ژی نەجەمینن ،، مللەت ژی خوە بو وە ناچەمینیت و رێزی ل وە ناگڕیت و نابنە بەشەک ژ وە .