من گوت هوین بێدەنگ نابن !!؟؟

ئەز دبێژم هەکە ئەڤێت تە گوتی (ئەدیب و روشەنبیربانە) دا بێژین بێدەنگ نابن !!؟؟

من گوت هوین بێدەنگ نابن !!؟؟
ل سەر زیندانییێن ئازادیێ دگەل دوریشمێ🌹ئازادی یان مرن 🌹 ئەڤە پتر ژ ( 20 ) روژانە ، پتر ژ ( 50 ) کەسا دگراڤا برسی بونێ دانە ، جانێ وان بەرەڤ مرنێ دچیتن !!؟؟

من گوت هوین بێدەنگ نابن !!؟؟
دێ دنگێ خو دەنە پال پشت چالاکفان و روژنامەڤانێن بادینان ل زیندانێ دنالن ، تازی و زێمارێن ل مالباتێن وان دەست پێکری یە !!؟؟
من هزرکر کو هوین خودانێن وژدانەکا ساخن ، نوکە دێهێنە دەنگ ئو : بێژن ئازادی بو زیندانییێن بادینان یان ئەم هەمی دێ (گراڤا برسی بونێ) راگەهینین ، ل سەر جادا دێ کەمپینا چێکەین ، خیڤەتگەها دانین ، ئو دێ ل سەر نڤێسین (مرن یان ئازادی) !!؟؟

من گوت هوین بێدەنگ نابن ژبو پشتەڤانییا مالباتێن زیندانییێن ل چاڤەرێی ژ دەستدانا گیانێ خوشتڤی یێت خونە !!؟؟

من گوت هوین بێدەنگ نابن بو خزمەتکرن وپشتەڤانییا دراڤی بو مالباتێن وان ، ئەڤرو هندەک ژ وان نەشێن ب چنە زیندانێ ل هەڤلێرێ سەرا جانگوریێن خوبدەن !!؟؟

هوین چەند جارا چوینە روندکێن چاڤێن (عائیشایێ) و (بەنازێ) ڤەمالن ، ئو بێژنێ ئەم هەمی پشتەڤانێن بابێ هەوەینە ..
هەوە سەرخوشیێ ل کەسوکارێن (شێروان شێروانی) کرن د وەغرکرنا بابێ وی دەما چویە بەر رەحما خودێ ، و هەر وەسا (دەیکا شیروان تاها)ـی ب کول و کوڤانێن کورێ خۆ یێ زیندانکری وەغەرکر !!؟؟
یان هەوە سەرەخوشی ل (بەدەل بەرواری) کرن ب وەغەرکرنا رەحمەتی برایێ وی ، ئەوێ دەمێ دگوت : « تە هایژ من نینە چ ئاکرێ دلێ مندا » !!؟؟

بێ دەنگ نەبن !!؟؟
هوین ل کیڤەبون دەمێ هاوارێن (بێریڤان ئەیوب بەرگارەیی) چیا د هەژاندن روژا ( 2, 14, 2022 ) من نەهێلایە بتنێ ل دادگەهێ !!؟؟

هوین ئەڤ ئەدیبە و روشەنبیرە ل کیڤەبون ؟
مە چجارا هوین نەدیتینە ، و مە دەنگێ وە ژی گولێ نە بویە بۆ پشتەڤانییا کەسوکارێن زیندانییان ل بەردەرگەهێ ( دادگەها هەڤلێرێ ) ل بەر گەرمێ یان سەرمای !!؟؟

بەلێ پتر ژ هەوە دەست د قوتان و دگرنژین بو پلە و پوستا دناڤ گەندل و دزو تالانچیاندا ، چما ئەڤرو هوین هوسا بونە خودان وژدان و پشتەڤانی یێ ل پیروزیا دکەن و هوین ژ هەمی کەسا ژ پیروزییا ددویرن و هەوە باوەری پێ نینە !!؟؟

وەرن کراسێ خۆ سەرخۆ راکەن دناڤ چڤاکێ کوردی دا و ب دروستی خۆ ب دەنەنیاسین !!؟؟
بەری (1444) ساڵا (ئەبو جەهل) و (ئەبو لەهەب) کوتن بێ دەنگ نابین !!.. ئو هوین ژی چجارا بێدەنگ نەبوینە هەتا ئەڤرو هوین بێژن (بێدەنگ نابین).. و بێ دەنگ نەبن ؟!!
ئو بزانن ( …..) قوچانێ دگەل ناهێتە کرن .
پارێزەر رمضان ئەرتیسی
تیمێ پارێزەرێن بەرەڤانیکرن ژکەیسێن بادینان
12 / 8 / 2022
‎ دهوک