رەوشا عیراقی بەرەڤ مەترسیێ یە
پەیبەر پەنابەر
ژ کەفتنا بەغدا و تانوکە بگشتی چەندی دچە ڕەوشا سیاسی وئابوری ئەولەهی و ژینگەهی و چڤاکی ئانکو بگشتی ژ هەر لایەکێ ڤە یا د مەتڕسیێ دا هەر ژ قوناغا پێکئینانا حکومەتا دەمکی و تا حکومەتا خوەجی وتا ئەڤڕۆ هندی دچە دوخێ عیراقێ ب گشتی بەرەف مەترسیێ دجە بتایبەت پشتی خوڤەکێشانا سەدر کو براوەیێ ئێکێ بو وخودان 73 کورسیا بو دناڤا پەرلەمانێ عیراقێ دا لێ ئەڤە بو هەڕ لایەکێ دیارە کو عیراق تەنها گورەبانەکە بو یاڕیزانێن جیهانی و هرێمی و گەلێ عیراقێ ژی تەنها هاندەر و تەماشە ڤانن ،
لێ د وێ باوەڕێ دامە کو ئەڤ دوو سالێن دوماهیێ دێ سالێن سەخت و ئالوز بن کڕیزین جودا ناکوکیێن جودا هەڤرکیێن جودا مەترسیێن نەخوشیێن چڤاکی و ژینگەهی ژی دێ سەر هەلدەن ودور نینە گورانکاریەکا نەجاڤەڕێ کری رویدەت د قادا هەڤرکیێن هەڕێمی بتایبەت تورکی و ئیڕانی ژ بەرکو دەمەکە وێ یاڕیێ دەست پێکری و موشەکێن دهێنە ئاڕاستەکڕن بو پایتەختێ و دیسان دەستێوەڕدانێن سیاسی ل بەغدا و دیسان داخویانیێن سیاسیێن ناڤا مەجلسا توڕکیا دا و لڤ و بزاڤێن وان ل هەڕێمێ دەستپێکەکا مەتڕسیدارە بو سەرهلدانا شەرەکێ دیێ هەڤ شێوێ جالدیرانێ.
لێ بباوەرا من ئەڤ زەنگە دێ دەستپێکێ ل هەڕێمێ لێدەت و دبیت شەرەکێ ئابوری سیاسی ژینگەهی ل هەڕێمێ سەرهلدەت لەوماژی پێتڤیە کورد پتڕ خوئامادهکەن بو ڤان پێشهاتا و هەر چ زویە کومبونەکا سەڕتاسەری یا نەتەوی یان ژی بێژمە کونگرا نەتەوی پتر رول و شەرعیەتا خوە د ڤان پێشهاتادا ببینن .ژبەر دەمەکە کوردستان ژ هەر ڕویەکێ ڤە یا تویشی بوشایەکا ئەولەهی و کرێز و شەرو ناکوکیێن جودا بوی چ ل ڕوژ ئاڤا چ ل باشور چ ژی ل پاڕجێن دی یێن کوڕدستانی.
دیسان پاڕتێن کوڕدستانێ ژی پێتڤیە هشیاڕانە سەردەریێ دگەل یێک بکەن و ڕەوشا ئاسایشا نەتەوی ل بەر چاڤ وەرگرن دیسان ژی ڕاگەهاندن ژی ڕولێ خو د پاڕاستنا ئاسایشا نەتەوی دا ببینیت و نەبیتە بەشت ژ تابورێ پێنجێ و ل سەر هەر تاکەکی و تەخ و جینەکا دناڤا چڤاکێ کوڕدی دا فەرە هەر ئێک ل دیف بسپوڕیا خوە ئێک رێزیا نەتەوی ب پاڕێزیت و وێ عەقلیەتا گەماڕو پاشڤەرویا خێلەکێ و مالباتی و ناوجەپەڕستیێ و خوپەڕستیێ ل پاش خوە بهێلیت و مەسەلێن نەتەوی و جوگراڤی ب هەمی جوڕەکێ سیاسی ڤە بکەنە میکانیزمەک بو مانەڤا قەواڕێ ڤێ هەڕێمێ نەهێلێن دەستێ وەڕدان و ئالوزی دەرفەتێ ببینن .