فرەنسا گەفا سەپاندنا سزایان ب سەر تورکیا دا دکەت

وەزیرێ دەرڤەیێ فرەنسا دلگرانیا خۆ دەربڕی بەرامبەر ئاخڤتنێن ڤێ دوماھیکێ یێن رەجەب تەیب ئەردۆغان سەرۆک کۆمارێ تورکیا و ھۆشداری ژی دا کو وەڵاتێ وی دێ سزایان ب سەر ئەنقەرە دا سەپینیت.
ژان ئیڤ لوردیان وەزیرێ دەرڤەیێ فرەنسا د داخویانیەکێ دا ئاشکرا کر : ئەردۆغان بانگەشەیا ئەنجامدانا توند و تیژیێ و دروستکرنا کەرب و کینێ دکەت کو ئەڤە جھێ قەبوولکرنێ نینە .
لوردیان راگەھاند ژی : جڤاتا ئەوروپا بریار دایە رێکارێن پێدڤی دژی دەستھەڵاتدارێن تورکیا بدەتە بەرخۆ ب مەرەما دروستکرنا گڤاشتنێ ل سەر وی وەڵاتی و دبەرنامێ کارێ خۆدا سەپاندنا سزایان ب سەر تورکیا دا دێ گەنگەشە کەت