خۆنیشاندەران بارەگەهێ ناوچەیا پارتی ل شێلادزێ بەرباران کر
خۆنیشاندانا وەلاتیان ل ناحیەیا شێلادزێ بەردەوامە و خۆنیشاندەران بارەگەهێ ناوچەیا پارتی ل وێ ناحیەیێ بەربارن کر.
خۆنیشاندان و نەڕازیبوونێن ولاتیێن ناحیەیا شێلادزێ لدژی بۆمبەبارانێن دەولەتا تورکیا و شەهیدکرنا وەلاتیێن سڤیل بڕێڤەدچیت و هەیا نها ژی بەردوامە، خۆنیشاندران ب بەر و بتلێن ئاڤێ هێرشی سەر ئاڤاهیێ لیژنەیا ناوچەیا پارتی ل وێ ناحیەیێ کرنە و هند جامێن وێ شکاندنە.
د نها دا خۆنیشاندان بۆ پێشیا بارەگەهێ لیژنەیا ناوچەیا پارتی هاتیە ڤەگوهاستن و هێزێن ئەولەهیێ ژی ڕێگریێ لێ دکەن.
هێزێن ئەولەهیێ بۆ بەلاڤەپێکرنا خۆنیشاندەران گازا ڕۆندک ڕێژ بکاردئینن و ئالۆزی دناڤبەرا وان خۆنیشاندەران دا دروست بوویە.
نێزیکی حەفتیەکێیە ئارتێشا تورکیا ب هێجەتا هەبوونا پەکەکێ ئۆپەراسیۆنێن پەژایی و ئەسمانیێن بەرفرەهـ بۆ سەر چەند دەڤەرێن هەرێمێ دەستپێکرنە و دوهی ژی ژ ئەنجاما بۆمبەبارانێن بالەفرێن وان چار وەلاتیێن سڤیل ل سنورێ قەزا ئامێدیێ شەهیدبوون.