بسەدەما داخویانیەکا ترەمپ بهایێ نەفتێ بالندبوو

بسەدەما داخویانیەکا دونالد ترەمپ، بهایێ نەفتێ د بازارێن جیهانێ دا بلندبوو و بهایێ هەر بەرمیلەکێ نەفتا برێنت گەهشتە ٣٠ دولار و ٤٢ سەنتان.

شەڤا دەربازبووى د کونفرەنسەکێ رۆژنامەڤانی دا دونالد ترەمپ سەرۆکێ ئەمریکا دەربارەى بهایێ نەفتێ راگەهاند، “د دەمێ گونجای دا دێ دەستێڤەدانێ د شەرێ نەفتێ دا کەین”، پشتى وێ داخوایانیێ بهایێ نەفتێ بۆ سەر ٣٠ دولاران دا بلندبوو.

ترەمپ گوت ژى، “ئەو شەر بۆ روسیا شکەستنە و بۆ سعودیێ ژى باش نینە”.

هەڤدەم وەزارەتا وزەیا ئەمریکا راگەهاند، ئەمریکا بۆ پشتەڤانیکرنا بەرهەمئینانا ولاتێ خۆ دێ دەهان ملیۆن بەرمیلێن نەفتێ کریت.

د چەند رۆژێن دەربازبووى دا بسەدەما بەلاڤبوونا ڤایرۆسێ کۆرۆنا و ئاریشەیێن دناڤبەرا ولاتێن ئەندامێن رێکخراوا ئۆپیک و د هەمان دەم دا هەڤرکیێن د ناڤبەرا روسیا و سعودیە دا بهایێ نەفتێ ب ئاوایەکێ بەرچاڤ داکەت.