“یا لبەر ئەڤێ دەستهەلاتێ ژی بەرزەبووی

نزار بێجان

” ئەڤێ دەستهەلاتێ نە بتنێ لبەر مە بەلکو لبەر خوە ژی یا بەرزەکری” ئێدی نە ژ ئالیێ “دیروک”چاند، هونەر هەر دیسان نە ژئالیێ “ئابوری، “ڕامیاری و لەشکەری ڤە، ئەم سەرەدەر نابین و ئەز نە باوەرم سەرێ چ “شلوڤەکار و لێکولەرا ژی ژ ناڤ تەڤلێهەڤیا ئەڤێ دەستهەلاتێ دەربکەڤیت. ئەم دێ دەستا ژ ئەڤان خالێن ژۆری بەردەین، بتنێ دێ پرسیارەکێ ژ “زمان زانێن کورد کەین، ئەرێ دەرگەهێن گرتی چەوا دهێنە گرتن یان بەروڤاژ یا وێ چ یە؟! هەر دیسان ئەگەر پەیڤا “ڤەکرن هەبیت و ب هێتە ب کار ئینان ئەرێ بوچی دەرگەهێ دەزگەهێ “ڕاست میدیا یێ گرتی هاتە گرتن ؟! کورد دبێژن هەر کەسەک کارێ خوە باشتر دزانیت، ئەرێ ئەڤ دەستهەلاتە دزانیت کو وێ ب خوە ناڤەندەک هەیە کۆ دبێژنێ “سەندیکا ڕۆژنامەنوسانی کوردستان یان ژی لبەر بەرزە بویە ؟! مادەم سەندیکا ڕۆژنەمەگەری هەیە ئەرێ بۆچی دەستهەلات چو پیتەی پێنادت و دەستتێوەردانا دکارێ ڤێ سازیێ دا دکەت؟! هەر وەکۆ گەلەک ئاژانسێن هەین “ڕاست میدیاێ ژی ئامادەکاری یێن خوە کربوون کۆ ڕەنگ و دەنگێ خوە بۆ خەلکی دیار بکەت لێ مخابن ئەڤێ دەستهەلاتێ بەری ڤەکرنا وێ گرت و نەهێلا ئەم دەنگ و ڕەنگێن وێ ب بینین و ب هەلسەنگینین و بزانین کا براستی ئەڤ میدیایە یا ڕاستە یان ژی یا خوەهرە. لڤێرێ دیار دبیت کۆ یا لبەر ئەڤێ دەستهەلاتێ بەرزەبووی و چەپ و ڕاستا ژێک جودا ناکەت، خۆ حەتا دەرگەهێن گرتی ژی سەقاتە دکەت. تڕس بارەکی گرانە و هەمی تشتا لبەر خودانێ خۆ بەرزەدکەت لەوما دبێژم ئەگەر لبەر بەرزە نە بایە دا هێلیت ئەڤی دەزگەهی وەکۆ هەمی وان دەزگەهێن لسەر ئەنیا خوە نڤیسی ئازاد و سەربخوە وێ ژی کارێ خوە کربا، وی دەمی دا دیاربیت کا “ڕاست میدیا یا ڕاست و درستە یان ژی خڕش و خاڤە، ل وی دەمی ژ خوە بەری یاسا و دستورێن وێ ژی دا ژ ئالیێ بینەر و گوهداران ڤە ئێتە سزادان و دا وەسا لاوازبیت کۆ ڕێڤەبەرێ وێ ب خۆ دا دەرگەهی لپشت خۆ پێڤەدەت و چت مالا خوە. هەر دیسان ئەز دبێژم یا لبەر ئەڤێ دەستهەلاتێ بەرزەبوی چونکی ڕاگرتنا “ڕاست میدیا کرێتیە ژئالیێ “چڤاکێ، پیتەپێنەدانا “سەندیکا ڕۆژنامەنوسانی کوردستان، ئەڤجا ژبلی ڕێکخراوێن ناڤخویی و بیانی یێن کۆ ب کارێ “مافێ مرۆڤی و “ئازادیا ڕادەربرینێ و بتایبەت ئەڤێن ب کارێ میدیایێ ڤە عەلەقدەر دبن ژ شەرمزاری یێ وێڤەترە. ئەز بۆ جارا دوماهیێ دبێژم ئەگەر لبەر ئەڤێ دەستهەلاتێ هندا نەببا دا نوکە زانیت کۆ ئەگەر “ڕاست مەدیا ب هەموو هێزا خوە ل دژی دەستهەلاتێ بزڤیبا نەدشا ئەوێ حنگێ ل دەستهەلاتێ بدەت یا کۆ بریا ئەڤێ دەرگەه گرتنێ لێکەتی.