گرێکێن مێژکێ کوردی و جیهان گەراییا ئیڕۆ
پەیبەر پەنابەر ..چیهانگیری یان بێژین دونیاگەرایی یان جهانگیری کو ب زاراڤێن کرمانجیا ژێڕو وژور ب واتایا سیکولاریزم (secularism) ئنگلیزی یە کو چەمکەکێ بابەتی یە بو چوداکرنا حکومەتێ و دامو دەزگایێت وێ ژ ئایین و ئایین زا و ناڤەندێن ئاینی و پتریا وەلاتێن جهانێ ئیرو ئەڤ پەیڤە کریە دروشمێ خوە رێڤەبەریا خوە دنهادا وەک سیستەمەکی و ئەلتەرناتیفەکی ب یاساکرنا سازیێن میری دهێتە پیادەکرن وئەرک وماف تێدا دهێنە پاراستن ، لەو ما فەرە بزانین ئەڤ دەستواژە ل سەر دەمێ فەلسەفە و فەیلەسوفێت یونانی یێن کەڤن هاتە داهێنان ، ل سەر بناغێ جوداکرنا دین و دولەت، ئانکو (ئایین و سیاسەت ) ژێک چوداببن و بتایبەت نابیت کارو چالاکیێت سیاسی بکەڤن بن باندورا ناڤەندێن ئایینی پاشی ئەڤ هەزرو فەلسەفە ژلایێ گەلەک روناکبیرێت ئوروپی ڤە هاتە ریفورم کرن
گەلەکێن وەک (جون لوک و ڤولتێر و سیپونزا و جیمس و توماس جیڤرسن ) ل ئوروپا بگشتی کەتن د بن باندورا ڤێ بیروکێ دا و شیان تا رادەکێ حکومەت و سازیێن وێ جوداکەن و بێژن (ئایین بو تاک ،، دەستهەلات بو گشکا ) پاش ڤێ قوناغێ ئەو کوشتن و برین و بن
پێکرن د گەلەگ فلتەرێن وەک قوناغێن جودا و شورەش و رێنساسێ دا دەرباس کرن و ئەو جینایەتێ و کاپیتالیزم و فودالیزم و کوێلایەتی وبەرئەلاییا فانتازی و بن پێ کرنا مافێن خوەزایی و یاسایێن دارستانێ هەمی ب داوی هاتن و
(شیان چەترەکێ هلدەن و ببیتە جهێ پێکڤە ژیانێ جهێ پێکڤە گونجانا رەشو سپی و دیندار و دینسزا و زانا و نەزانا فەقیرو هەژارا دەستهەلاتدار و بێ دەستهەلاتا.خویایە کە یونان نەک تەنها دانەرێ هزرو فەلسەفەیا دەولەمەندا جیهانیە بەلکو داهێنەرا هزرو فەلسەفەیا هەمی سیستەمێن سیاسی یە ژیە ، پشتی سەر دەمێ گوندا و میناکێن وەک ئیسپارتا وئەسینا شیان وێ سیستەما کوێلەتیێ بن ئاخکرن وهزرا خێل و کوێل و هوز و ئاغا و بەگلەرا کو سێ سەدو پێنجی ساڵا بەری زاینی ئەڤ پاشڤەرویە ل پاش خوە هێلا وبەرهەمێ وێ جهانا پێشکەتیا ئیرویە کە د هەمی سەکتەرێن ژیانا مروڤی و ژینگەیی دا رەنگڤەدانا خوە هەیە وە میناکا ئیرو یا ڤێ تەکنولوژیا زەبەلاح بەرهەمێ وێ
یا من مەبەست پێ ژبوی کو مللەتێ کورد ژی کومەکا گرفت و گڕێکا رزگار کەت (دیموکراسیەتەکا سیکولار دشێت مە ل ژێر چەترەکێ کوم کەت کە مایێ پێکڤە ژیانێ و بەرجەستەکرنا فرەلایەنی و فرەهزری و و ئەرکو مافا وب سازیکرنا دامو دەزگا و جێگیر بونا یاسایی )بیت ژ دەرڤەی ڤێ ئەز نابینم کورد بگشتی ژ گرفتا بن دەستیێ و میحنەتێن داگیر کەرا رزگار ببیت .
لەو ما یا فەرە کورد ب گشتی و دەستهەلادارێن کورد ب تایبەتی سنورەکێ بو گەلەگ تشتا دانن و بەرەف سیستەمەکێ سەردەم بچن دویر ژ دوبارەکرنا هەمان هزر و قوربانیدانێن بەرێ چونکە ئەگەر کورد ڤێ نەکەن (دبیت بشێن چەند مال و مالباتا ئاڤا کەن لێ نەشێن دەولەتێ ئاڤاکەن )
.
ژبەر کو پێتڤیە ل پێشیێ (دەستێن دەرەکی، هزرێن دەرەکی، پروژێن دەرەکی ) ژناڤ خوە راکن و دناڤخوەدا ریفورمەکا بابەتی بکەن ل سەر بنەمایێ لوژیکی و جیهانا نوی و دیسان سیستەمەکێ دیموکراسی وسیکولار دارێژن ب یەکسانی ئەرکو مافێن هەر لایەنەکێ و هەر پێکهاتەکێ و هەر تاکەکێ تێدا د پاراستی بن و هەر تاکەک بشێت حەزو ئارەزویا خوە پیادەکەت ، ژبەرکو نابینم( هیچ ئاینەک بشێت هەمی پێکهاتە و لایەنێن کورد ل سەر چەتڕەکێ کوم ڤەکەت و ببتە جهێ پێکڤە ژیانێ )
ئەڤە د چەند قوناغێن دیروکێ دا یاهاتیە دووبارە کرن و تاقی کرن ، لەوما ئەگەر ئەم ب هویری تەماشه کەین ئەم هند ل سەر خوە شولناکەین هندی دژمن و دەردورێت مە ل سەر مە شول دکەن و خەریکە ئەڤ وەڵاتە یێ دبیتە کاڤلستان و ئەڤغانستان مخابن د ڤان روژێن داویێ دا مە ب چەند رەفتارەکێن ناشیرین مالئاڤایی ل سالا کەڤن کر ، ئومێدە خوازین ب ژیرمەندی و هوشمەندی و سەرو مێژکەکێ نوی بەرەڤ سەرسالەکا نویڤە بچین ژبەرکو ئەگەر ئەم وێ نەکەین دێ گەلەگ هەلەیێن دیروکی دوبارەکەین و ئەو گرێگ دێ پترئاسێ بن و ژەنگی و ژەنگار و مژدار بن ئێدێ قوربانی دان هەرکو دچە دێ پتر و مەزنتڕ لێ هێن لەو ما فەرە کورد خوە ژ هندەک گرێکا رزگار کەت کە ب سەدان سالە ژ بلی قوربانی دانێ هیچ دەستکەفتەک پێڤە دیار نەبویە و ل پێشیێ دبێژم کوڕد پێتڤیە ڤان گرێکا ژ ناڤ خو لادەن پاشی روب روی ئاستنەکا ببن .