٢٢٥ کۆچبەرێن کورد ل میسرێ شاندینە هەرێمێ

بەرپرسێ دەزگەهێ لوتکە بۆ کاروبارێن کۆچبەران ڕاگەهاند، پشتی دەمێ دەربازبووی، ٢٥ کۆچبەرێن کورد ل میسرێ بەلەما وان تێکشکەست بوو و ئاسێ مابوون، ئەڤرۆ ژ ئالیی وی وەلاتی شاندینە هەرێمێ.

ئەڤرۆ ئەینیێ ١٣ێ مژدارێ، ئاری جەلال بەرپرسێ دەزگەهێ لوتکە بۆ کاروبارێن ئاوارە و پەنابەران بۆ ئێن ئاڕ تی ڕاگەهاند، هەژمارەکا گەنجێن کورد رۆژا ١٨ێ ڤێ مەهێ د بەلەمەکێ دا کو زێدەتری ٥٧ کۆچبەر تێدابوون، دڤیا ب مەرەما کۆچکرن بۆ ئەوروپا د رێیا تورکیا دا بگەهنە دەریایا سپی ناڤەراست و پاشان ئیتالیا، لێ بەلەما وان ل نێزیک میسرێ تێکشکەست و ئاسێ مابوون و ژ ئالیێ هێزێن دەریایی یێن مسرێ هاتنە رزگارکرن.

بەحسا وێ یەکێ ژی کر، د وێ بەلەمێ دا ٢٥ گەنجێن کورد تێدابوون و دەما چەند رۆژەکا ن ژی ل میسرێ دەستەسەرکربوون و پشتی بزاڤێن نوێنەراتیا دەزگەهێ وان کارین ئازاد بکەن و ئەڤرۆ ژی ب رێیا بالەفرخانەیا سلێمانیێ شاندنە هەرێما کوردستانێ.

ئەو یەک ژی دیارکر، بەشەکا زۆر یا وان گەنجان رۆنشتڤانێن قەزا و ناحیێن سلێمانیێ بوون، هەڤدەم چەند گەنجەکێن رونشتڤانێن دەڤەرا شێلادزێ ژی یا سەر ب پارێزگەها دهۆکێ دگەل بوون.

د دەما دەربازبووی دا، کۆچا گەنجان و وەلاتیێن هەرێمێ بۆ دەرڤە گەشەکریە و چاڤدێر ژی وەسا دزانن، خرابیا رەوشا ئابوری، کریزا دارایی و بێکاری و نەبوونا دامەزراندنێ ژ ئالیێ حکومەتێ ئەگەرێن کۆچکرنێ نە.