هەڕ سەید ڕەزایەکێ دیاب ئاغایەکێ هەی !
پەیبەڕ پەنابەر ..
ب مخابنی ڤە دبێژم (خەبات و جاشایەتی دوو ڕویێت ئێک نەتەوەنە٫ ئەوژی نەتەوا کوڕدە) کە تاکە نەتەوەیە د جیهانێ دا دژی بەڕژەوەندیا مافێن گەڵێ خوە کاڕ دکەت هەڕ ئەڤەیە بو یە سەدەما بێ دەوڵەتی و نەهامەتیا پێنجی ملیون کوڕدێن جیهانێ کە دەوڵەت هەنە بقاسی بجوکتڕین پاڕێزگەهێن کوڕدستانێ وبجویکتڕین هوزا کوڕدی لێ ئیڕو دەولەتن و خودان ستاتو و سیادەتن !! ل لایێ دی کوڕد ئیڕو خودانێ بەڕفڕەهتڕین جوگڕافی و دەوڵەمەنتڕین جوگڕافی و ستڕاتیجتڕین جوگڕافی و دبێ دەوڵەت بن .
ئەڤە تەنێ کالفامی و پاشڤەڕویی و دیڤەڵانکی و کوێڵەتیا کوڕدا نەبت هیچ ئەگەڕەکێ دی نینە لەوما گەڵەگ نمونێن وەک( حەسەن خەیڕی و دیاب ئاغای) دیڕوکا کوڕدا دا هەبونە و دیڕوک قڕێژ و لەکەداڕ کڕیە. لەوما ژی بەڕدەوام دوژمنی هەول دایە چەکوچ و سندانا هەڕ ژ کوڕدا بخو چێکەن و کوڕدا ل سەڕ ڤەقوتن و گەڕم کەن و ساڕ بکەن دا کو بو مەڕەمێن خوە یێن تایبەت ب کاڕ بینن .
ژوان دۆژمنێن کوردا یێن کو پتڕین سود ژ کوڕدا دیتی توڕکێن فاشیست و ڕەگەز پەڕست بون ، توڕک ب سایا سەڕێ کوڕدا بونە دەوڵەت و ئمبڕاتوڕیەت د ناوچێ دا ، د شەڕێن (نیغبولێ و فاتیحێ ل ستەمبولێ و شەڕێ موهاجێ و شەڕێ پڕەڤەزێ و شەڕێ ئیستقڵاڵێ و شەڕێ 15تەموزێ و شەڕێ جینس دەڕگی و شەڕێ چەنەقەلێ و تا شەڕێن جالدیرانێ و قبرسێ و تا ئەڤڕو کورد ئالاڤەکێ سەڕەکی و دەیناموەکا دەستپێکی یە دپاڕاستن و بەڕگڕی کڕنا سەڕ ئێخستنا توڕکا دا و تانوکە ژی ب ملیونا قوڕوجی وملیس ژ کوڕدێ باکوڕێ هاتنە چێکڕن بو ژناڤبڕنا کوڕدا و داگیڕ کڕنا ئاخا کوڕدا کو نەک تەنها کوڕد کوژیێ دکەن بەڵکو بێ ڕحمانە ژینگەها کوڕدستانێ ژی دبڕن و دسوژن .
لەوما من ڤیا ڕوپەڵەکا دیا ڕەشا خیانەتا کوڕدی ڤێ جاڕێ هەل دەم و بینم زمان داکو کوڕد ب گشتی مفای ژێ ببینن ب تایبەت جیلێ پوپ جی و ئیموجی و سناپا !!
ئەوژی (دیاب ئاغایێ سەڕوکێ هوزا فەڕهاد ئوشاکی) یێ دێڕسمی یە ، کو مەزنتڕین خیانەتا دیڕوکی پێشکێشی مڵڵەتێ خوە کڕ و مەزنتڕین پاداشت و سەڕکەفتن ژی پێشکێشی دوژمنێت خوە کڕ ئەوژی دەما د سالا 1919دا ئاتاتوڕکی دڤیا ژ ئەڕزەڕۆمێ بچیت بو بەژداڕیکڕنا گونکڕا سیواسێ.. والیێ خاڕپوتێ ب فەڕمانا واڵیێ ستەمبۆلێ بوسەکا کوشتنێ و ژناڤبڕنێ بو ئاتاتوڕکی د دانن دناڤ بەڕا ئەڕزەڕوم و سیواسێ دا ، ئەڤ دیاب ئاغایە پێ دزانیت و ڕادبیت چواڕ پێنچ هوزێن دێڕسمێ دبەت سێ ڕۆژا دمینیت و وێ بوسێ ژناڤ دبەت .
دەما ئاتاتوڕک دگەتە نیک وان ژ تڕسا بینینا وا دیمەنا پێت وی خاڤ دبن وب تڕس و لەرز ڤە تێتە پێش وەسا هزڕ دکەت کو بوسە یا بوکوشتنا وی دانای و هاتە ئێخسیڕ کڕن دبێژتە دیاب ئاغای ئەڤە چیە چ لەشکەڕە هوین کینە ؟ دیاب ئاغا دبێژتێ ئەزبەنی چ نینە ئەڤە سێ ڕۆژە ئەم ل ڤێڕێ برسی و تهنی د ئەڕکێ پاڕاستنا تە دا و بوسەک هاتبو پیڵانکڕن بو کوشتنا تە لێ خوشبەختانە مە ئەو پیڵان ژناڤ بڕ و ئەم دخزمەتا پاڕاستنا تە و دەوڵەتا توڕکا داینە !!
ژبەڕ ڤێ د ساڵا 1922ێ دا دیاب ئاغا دهێتە هەلبژاڕتن وەک نوینەڕێ دێڕسمێ و دوستەکێ هەڕی نێزیکێ ئاتاتوڕکی . دیاب ئاغا تا ساڵا 1932 ژەهڕدانا وی هەڕ کوێلە و خەلەکا تلا ئاتاتوڕکی بو لێ پشتی مڕنا وی ب پێنچ ساڵا ئانکو ل 1937_1938ێ ب فەڕمانا ئاتاتوڕکی بخو جینوسایدەکا کێم وێنە د دیڕوکا مڕۆڤایەتیێ دا ب سەڕ گەڵێ دێڕسمێ دا ئینا و ب ئاوایەکێ هوڤانە پێنچی ملیون کوڕد ب کڕێتتڕین شێوە کوشتن بێ جوداهیا ڕەگەزی و تەمەنی ، و شوڕەشا سەید ڕەزایێ دێڕسمی ژناڤ بڕ ، سوزدا کو گیانێ سەید ڕەزایی یێ پاڕاستی بیت لێ دەما سەید ڕەزا و هەڤاڵێن وی خو ڕادەست کڕی هەڕ ئێکسەڕ ب فەڕمانا ئاتاتوڕکی هاتن سێداڕە دان و جەنازێت وا ژی تانوکە کەس نزانیت . تەنانەت خودێ مالباتا دیاب ئاغای و کەسوکاڕێن وی ژی نەهاتنەلێبوڕین و کەتن بەڕ کومکوژیا توڕکا ، لەوما هندی لاپەڕێن بزاڤ و شوڕەش و تەڤگەڕێن کوڕدی ڤەدەی دوژمنێ مەزن هەڕ کوڕد بخونە تا ڕوژا ئەڤڕو کو ب ڕۆژا ڕون ئەم ڤێ خیانەتێ ژ هندەک ڵایەنێن کوڕدی دبینین و دبڕدەوامن ل سەڕ خیانەتا نەتەوی و ژناڤبڕنا کوڕدا و دەستکەفتێن کوڕدا و ئاڕمانچ و خەونێن کوڕدا ، ڵەوما ژی دبێژم ((هندی خیانەتا نەتەوی هەبیت..مەحالە دەوڵەتا کوڕدی هەبیت )).