هەرێم.. ئەڤرۆ دێ بریار لسەر درێژکرنا قەدەغەیا هاتن و چوونێ هێتەدان

بریارە ئەڤرۆ وەزارەتا ناڤخۆ یا هەرێما کوردستانێ بریارێ لسەر دریژکرنا دەمێ هاتن و چوونێ بدەت و پێشبینی دهێتە کرن کو دەمێ قەدەغەیا هاتن و چوونێ بێتە درێژکرن، لێ دێ ب ئاسانکاریێن زوور بیت.

ئەڤڕۆ یەکشەمبێ ١٠ێ گۆلانا ٢٠٢٠ێ، دەمژمێر ١٢ێ شەڤ، پشتى هەشت قوناغێن نووکرنێ دەمێ قەردەغەیا هاتن و چوونێ دێ ب داوی هێت و هەیا نها چ بریارەک بۆ درێژکرنێ نەهاتینە دان.

د چەند رۆژێن دەربازبووى دا جڤاتا وەزیران بریاردا، هەمی فەمانگەهێن حکومەتێ ل رۆژا ١١ێ گۆلانێ ب مەرجێن خوپارێزیێ و رێکارێن ساخلەمیێ دەست ب دەواما خۆ بکەن.

هەڤدەم، وەزارەتا ئەوقاف و کارۆبارێن ئاینى بریاردایە ل رۆژا ١١ێ گۆلانێ دەرگەهێن مزگەفتان لهەمبەر نڤێژکەران بهێنە ڤەکرن.