نامەك ژ کۆرۆنایێ بۆ مرۆڤان
كاوه زوهێر/ئاكرێ
ئه‌ى مرۆڤ:ئه‌ز ڤایروسه‌كم 50 ملیون جاران ژ ته بچوكترم ، لێ ئه‌ز دووجارى كه‌له‌خێ ته ژ ته بهێزتر و ژیرترم ، ده‌ما ئه‌ز ژ روحه‌كێ ژدایك بویم و هاتیمه سه‌ر رویێ ڤێ دونیایێ ئه‌وا ته پاوانكرى، هه‌ست و حه‌ز و مه‌به‌ستێن من ئه‌و نه‌بوون كو دناخێ ته دا سه‌مایێ بكه‌م و ببم ڤایروسه‌كا كوژه‌ك جانێ ته ژ روحێ جودا بكه‌م.
ئه‌ى مرۆڤ: ئه‌ز ژ روحه‌كا پیس ڤه‌رسیایمه و من دڤیا دناڤا پاكژ و بژوینترین رۆح دا بژیم له‌و دناخێ ته‌ڤ روحتوبه‌راندا گه‌ریام ، من چ جه ژ روحا ته و جانێ ته پیروزتر نه‌دیتن كو خانه‌یێن خۆ د ناڤ دا ئاڤا بكه‌م
ده‌ما ئه‌زهاتیمه د جانێ ته‌دا، من دگوت نها ئه‌ز گه‌هشتم د ناڤ پاكژترین جه و پیروزترین رۆح ل سه‌ر رویێ ئه‌ڤى گه‌ردوونى ، لێره دێ مالا من بیت و دێ بم قه‌لغان دێ بم ئه‌نتى ڤایروس بوو مرۆڤا تا ئێك مرۆڤ مابیت لڤێ ژیانێ .
ب دله‌كێ تژى هه‌ست و ڤیان به‌ر جانێ ته هاتم هه‌مى هێزا من ئه‌و بون كو دناخێ ته‌ڤ مرۆڤان دا بجه ببم و مرۆڤان ژ ته‌ڤ ڤایروسان ب پارێزم..
رۆژ بو رۆژێ گاڤ بوو گاڤێ د جانێ ته‌دا زڤریم دناڤا هه‌مى گه‌هێن له‌شێ ته‌دا چومه خار دناخێ ته‌دا مه‌زن بوم ،چومه د بیردانكا ته‌دا، من په‌یره‌وێ ته خوه‌ند كا بۆ چى تو هاتیه ئاڤراندن و روپه‌ل روپه‌ل ژ ده‌ست پێكا دروست بونا ته هه‌مى من خوه‌ندن، لێ ته ژ په‌یره‌وێ پیروزێ مرۆڤ بونا خۆ لادایه
ده‌ما من ته‌ڤ سالوخه‌ت و كریارێن ته دیتین من هه‌ست ب شه‌رمزاریێ كر ، رۆژێن من جانێ ته‌دا بوونه سال
ئه‌ى هه‌وار ئه‌و جهێ ئه‌ز لێ دژیایم چه‌ند ژ روحاته پاكژتر بوو ، نها ئه‌ز داله‌ڤان دكه‌م ببم ڤایروسه‌كا كوژه‌ك ئه‌ز بخو جانێ خۆ بكوژم تنێ دا دكو ب زویترین ده‌م ژ جانێ ته دا ده‌ركه‌ڤم.
ئه‌ى مرۆڤ:
تۆ دزانى به‌رییا ئه‌ز بهێم ته مرۆڤاتى ژ ده‌ست دا بوو
تو روحتوبه‌ره‌كى تنێ مرۆڤاتى د مه‌ژیێ ته دا نه‌مایه ، هه‌ر تشتێ ته‌ڤیایه ته بوو مه‌ره‌مێن خۆ یێن تاكه‌كه‌سى كرییه ، ته ججار هزرا بونه‌وه‌رێن دى یێن سه‌ر ئه‌ردى نه‌كرى یه
تو دزانى ئێكه‌م خال د په‌یره‌وێ ته دا دبێژیت : ئه‌ى مرۆڤ من تو یێ ئاڤراندى ،دڤێت توو مرڤاتیێ و ژینگه‌ه و ته‌ڤ رۆحێن سه‌ر ئه‌ردى ب پارێزى ، تودزانى ماڤ ب ته نه‌هاتیه دان و تو نه‌هاتیه ئاڤراندن بۆ كوشتن و سوتن و وێرانكرنێ
ئه‌ى مرۆڤ: تو دزانى ته ته‌ڤ یاسیایێن سروشتى یێن بن پێكرین، ئه‌ڤ سروشتێ خودایێ مه‌زن ب جوانى دروستكرى ته ب نه‌زانین و خۆ په‌رسیا چه‌ند یێ فهێتكرى
ئه‌ى مرۆڤ :تو دزانى ئه‌ز نه‌هاتیمه مرۆڤاتیێ ژ ناڤ ببه‌م ، تنێ ئه‌ز هاتیمه بیراته بینم كۆ توو مرۆڤى و دڤێت مرۆڤاتیێ په‌یره‌و بكه‌ى و ببیه‌ڤ مرۆڤ و ژ په‌یره‌وێ خۆ هاڤینه‌بى
ئه‌ى مرۆڤ تودزانى پشتى ئه‌ز هاتیم
گول دناڤ جاده و په‌یاكاندا شین بوونه‌ڤه، ئه‌و جهێن پێلاڤێن ته هنده‌ساله گول بژكاندین بوونه مێرگه‌ك تژى گۆل بوونه‌ڤه.
پشتى ئه‌ز هاتیم بێهن و تام یا ژ هه‌واى و ئاڤێ دهێت، پشتى ئه‌ز هاتیم گیانه‌وه هه‌مى یێن ئازاد بووین لسه‌ر دارو به‌را ل هه‌مى ده‌را په‌یاسان دكه‌ن، پشتى ئه‌ز هایتم هه‌ژارو زه‌نگین ژترسا روحێ یێن پاكژ و بژوین بۆین، پشتى ئه‌ز هاتیم نه‌دار و پایه‌دار یێن فێرى دلوڤانیێ بوین و حه‌ژ ژ زاروكێن خو دكه‌ن ئه‌و زاروكێن به‌ریا نها ب هه‌یڤان لبه‌ندا هه‌مبێز و ماچه‌كێ
ئه‌ى مرۆڤ پشتى ئه‌ز هاتیم دناخێ ته‌دا، من تو ژ خالا چونه‌بونێ به‌ره ب گوپیتكێ برى لێ پشت راست به نزیكترین ده‌م دێ ژ دناخێ ته‌دا ده‌ركه‌ڤم ،تا چاخه‌كێ دى من نابینیه‌ڤه لێ هیڤى دكه‌م به‌ره‌ڤ خالا چونه‌بونێ نه‌زڤرییه ڤه.