مە ماموستا چ بهایێ خوە ل ناف جڤاکی نەمایە!؟

گلاڤێژ حەمزی سەلیم

ئەڤە گوتنا رێڤەبەرەکێ قوتابخانێ یە کو د باوەرا وی دا ئەو یێ د چاڤێ جڤاکی دا لاواز و بێ بها بین بێی کو هزر د وێ چەندێ دا بکەت بوچی وەسا لاواز و بێ بها و ئاست بینە دناڤا جڤاکی دا ئەڤە دەمەکی دایە ماموستا رێبەرن روناکبیرن و رێنیشاندەرن و چرانە بو وەلاتی و مللەتێ خوە ،

ماموستا ئانکو قیما رەوشتی و پەروەردێ و زانین و زانستی ، گەلو چ وەکریە ئەڤرو ماموستا بخوە بگەهت وی باوەریێ کو یێت بێ بها و بێ ئاست بین دچاڤێت جڤاکی دا؟ ل گورەی بوچونا خوە ئەز دێ هندەک ژ وان کریار و رەفتارێن ماموستا بێژم کو وەکریە خوە بێ بها ببینن دناڤا جڤاکێ کوردی دا ب تایبەت ل کوردستانا باشور ،

ــ دەما ماموستا ترسا و ژ ترسێ نەشیا داخازا مافێت خوە بکەت و هەر تشتێ ژێ کێم پێ رازی بیت و خوە گونجاند خوە ناچار دیت بقەتینت داکو نەمرت یان زیندان نەبت دیسا نزانت ئەو ژیانکرنا ئەو دبورینت زیندان و مرنە وی دەمی ماموستای چ بهایێ خوە نامینت د چاڤێن تەخا هشیارا جڤاکی دا ،

ــ دەما ماموستا ل سەر گرتن و لێدان و بێ رێزیکرنا ماموستایێن مافخواز و ئازادی خواز بێ دەنگی هەلبژارد و نەبین دەنگێ وان و بێ هەلویست مان بەرامبەر بێ رێزی و بێ دادیا دگەل وان بخوە تێت کرن ژلایێ دەستهەلاتێ ڤە ئێدی وان چ بهایێ خوە ل دەف جڤاکی نامینت !

ــ دەما کادرێن حزبی هاتن بین رێڤەبەرێن قوتابخانا و ماموستا ل سەر ڤێ چەندێ رازی بین کو ئەو و قوتابخانا وان بکەڤت ژێر هەژمونا حزبی و لایەنگری ڤە و هەیڤانە ئابونێت حزبی ژێ هاتن ستاندن ئێدی ئازادیا رادەربرینێ ژێ هات وەرگرتن و ماموستا بێ بریار و بێ دەستهەڵات مان ئێدی دێ گرنگی و بها و پیروزیێ ژ دەستدن

ــ دەما د قوتابخانێ ڤە ئێک ماموستا خەلەتیێ بکەت دگەل قوتابیا چ قوتان و لێدان بیت یان گوتنێن کرێت و نەجوان بەرامبەر قوتابی بکاربینن هەردەما سەمیانێت قوتابی ل بەرامبەر وێ بێ رێزیێ هاتن دەنگ و ماموستایێن وێ قوتابخانێ دگەل رێڤەبەرێ خوە بو خەلەتیا وی ماموستای دێ بن دیدەڤان و پشت و پەنا بەرەڤانیێ ژ وی و خەلەتیا وی کەن بێ کو بزانن ماموستا رێ نیشاندەرێن رێکا راست و درستە ، ئاها وی دەمی ماموستا بها و سەنگا خوە نامینت چنکی هەمیا پێ باشە ماموستایەک ب خەلەتیا خوەڤە پێشەیا وان وەکی خوە کێم و بێ بها بکەت،

ــ ئەو دەما سەمیانێت قوتابیا بو دیفچونا قوتابیێ خوە سەرەدانا قوتابخانێ دکەن پێشوازیەک گەرم و ب رێز ژ لایێ کارگێریا قوتابخانێ و ماموستایان ڤە لێ ناهێت کرن ژبلی کو پێشوازیێ ژی بەهرا پترا ماموستایا نزانن سەمیان و قوتابی دجیاوازن هەمان رەفتارا قوتابی هندەک ماموستا دگەل سەمیانێت قوتابیا ژی دکەن ئاها ئەڤە مەزنترین خالا بهێزە ماموستا دچاڤێ جڤاکی دا کێم و بێ بها بکەن

ــ ماموستا بێ بها و ئاست نزمە دەما کویلایەتیێ بکەت و ل سەرخوە قەبیل بکەت بو نمونە د چاڤێت من دا چ سەرکردە و سەروک و رێبەر هندی ماموستا دبها و پیروز نینن، بەلێ ئەگەر ئەم ژ ماموستایا بپرسین هین پیروزترن یان سەروکێن وە ؟ بەهرا پترا وان دێ خوە بکویلە قەبیلکەن و دێ بێژن ئەم خولام و خدامێن سەروکێن خوەنە گەر ئەو نەبان هەر ئەم نەدبین ، بێی کو هزر د وێ چەندێدا بکەن گەهشتنا هەر مروڤەکی بو پلا سەرکردە و سەروک و بەرپرسیارەتیا بچوک و هەتا مەزنترین بەرپرسیارەتی بەرهەمێ ماندیبونا و زەحمەتیا ماموستایە گەر ئەو نەبان چ سەروک رێبەر ژی ژ دایک نەبدین ب تایبەت سەروک و سەرکردە و رێبەربن ،

هەر ماموستایەکێ بەروڤاژی ڤان خالان بیت د چاڤێت من جڤاکێ مندا پیروز و گرنگ و خودان رێز و بهایەک تایبەتە ل گوپیتکا پیروزیێیە لەورا ئەز بخوە هشیارم نە هەمی کەسا ب ماموستا قەلەمدم نە زی ب زی روژا ماموستایا پیروز دکەم نە ژی مروڤان ژ هەژی پیروزیا پەیڤ و ئەرک و رولێ ماموستای دبینم ،

د باوەرا من دا ماموستا ژی دڤێت د ئەرکێ خوەدا خوە ئاڤا و زانا و رەوشەنبیر بکەت بزانت ئەرکێ وی قورسە و خودان هەلویست بن بەرامبەر هەمی وان کار و کریارێن دژی مروڤایەتیێ تێن کرن تایبەت پارێزەر و بەرەڤانێ ناڤێ خوە و پیروزیا خوە بت نەهێلت کەس ب ناڤێ ماموستا ل ژێر هەر بهانەیەکێ وان د چاڤێت جڤاکی دا بێ بها بکەن .

مخابن پەیڤا ماموستا هند بێ بها ببت ئەڤرو پرانیا خودان کارو پێشەیا ماموستانە و هیچ ئامادە نەبینە بو هەڤ پێشەیێن خوە ببن دەنگ ورەنگێن وان تاکو ژ ناڤا زیندانێن ڤێ دەستهەلاتێ دا دەربینن و ئازاد بکەن.

ئەرێ دبێژن ئەڤرو روژا جیهانیا ماموستایە ئەز ژ دلوجان ڤێ روژێ ل ماموستایێن مافخواز پیروز دکەم ئەوێن بو ماف و پیروزیا تەخا ماموستا ئیرو دناڤا زیندانێن کوردستانێ دا ،

روژا جیهانیا ماموستا ل وان ماموستا پیروزدکەم یێت وەلات و ئاخ و مللەتێ پیروزترین تشت بن ل دەف وان و خزمەتکرنا وان ژ پیخەمەت وان پیروزیا بت داکو وەلاتەک ئاڤا و مللەتک زانا بەرهەمێ وان بت .