مەها تەباخێ وەک پرانیا مەها بومە کوردا شین و شادی تێکەل بوینە.
شەبان جدەح
دەما دەنگێ مەها تەباخێ تێ گوهێ من لەرزینەک دکەڤیت هناڤێن من، سەرەرای کو دبیت پرانیا مەهێن مە کوردا پر ژ هەڤ جودا نەبن لێ بمن دیسان مەها تەباخێ تایبەتمەندیەک خوە هەیە چونکە زۆر ریدانێن کارتێکەر لسەر مە دوروستکرینە چ بباشی یانژی بکارەسات.
داگیرکاریا سەددام بو کوێت ٢ تەباخا ١٩٩٠ و لدویف دا جەنگێ کەنداڤا فارسی یێ یەکەم، سەرئەنجام ئەو بو کو پرانیا خەلکێ ئیراقێ بهەمی پێکهاتێن خوەڤە سەرهەلدان هەمبەر رژێما سەددام. پشتی کوچا ملیونیا گەلێ کورد لباشورێ کوردستانێ بوهارا ١٩٩١ ببریارا نەتەوێن یەکگرتی بەشەک ژ باشورێ کوردستانە هات پاراستن ژ لایێ هێزێن ئەمریکی و هەڤالبەندێن. ل گولانا ١٩٩٢ یەکەمین هەلبژارتن هاتن کرن بو پەرلەمانێ هەرێما کوردستانا ئیراقێ، لێ پشتی کێمتر ژ دو سالا شەرێ پەدەکێ و یەنەکێ دەستپێکر و سەرئەنجام بهەزارا خەلک هات کوشتن و تالانکرن و ئەو پارچەژی تا رۆژا ئەڤرو بویە دو پارچە.
شەڤا ٣ لسەر ٤ تەباخێ هێرشا دائیس دەستپێکر بو سەر هەرێمێن ژێر کونتروللا پەدەکێ ( بو زانین شەر لهەرێما یەنەکێ بەری وێ ب دو مەها دەستپێکر بو)، ئەڤ هێرشا تایبەت لسەر هەرێما شەنگال بو ئەگەرا کوشتن و دیل کرنا بهەزارا ژ خەلکێ مە، هەروەسا مشەختکرنا بسەدا هەزارا. هەرفینەک مەزن کەفنە ناڤ دەستهەلاتدارا و تەڤایا گەل. زۆر گران بو خەلک قائیل ببیت بڤێ رەڤێ و چەپەرچولکرنێ.
١٥ تەباخێ دو تشت تێکەل دبن، ژبو بەشەک ژ خەلکێ مەیێ باکور رۆژەک پیروزە و بیرەوەریەک مەزنە، ئەوژی راگەهاندنا شەرە چەکداری ژ لایێ ئەرتشا رزگاریا گەلێ کوردستان کو سەر ب پەکەکێ ڤە بو. لێ رۆژەک رەش و شینی یە ژبو پرانیا خەلکێ مە لسەرتا سەری وەلات، دەما هوڤێن دائیش خەلکێ گوندێ کوچو لناڤا خاندنگەهەکێ کومکرین و داخواز ژێ کرین ببنە بوسلمان. لێ خەلکێ کوچو ئامادە نە بو ئولا خوە بگهوریت لەوما چەکدارێن دائیش زاروک، کەچ و ژن ژ زەلاما جوداکرن و پاشان لبازارا کرین و فروتن پێکرن. زەلام ژ دونگی دەرخستن و پشتی کوشتنا وان لگورێن کومکی دا ڤەشارتن.
١٦ تەباخێ دامەزراندنا کەڤنترین پارتیە ل باشورێ وەلات ( پارتی دیموکراتی کوردستان ). پەدەکێ رولێ هەرێ سەرەکی هەبویە د هەمی دەستکەفتی و وێرانیێن بسەرێ خەلکێ مە هاتین لباشورێ وەلات.
٢٥ تەباخێ رۆژا دەستپێکرنا ئەنفالا لبادینان لسالا ١٩٨٨ کو تا ٦ ئیلونێ هەمان سالێ بەردەوام کر. سەرئەنجام وێرانکرن و تالانکرنا بسەدان گوندا، کوشتن و بێ سەروشین کرنا بهەزارا ژ خەلکێ دەڤەرێ.
٣١ ئاب لەشکەرێ سەددامێ ببریارەکا نەتەوێن یەکگرتی بەشەک ژ باشورێ کوردستانێ ژ هاتی پاراستن، پارتی دیموکراتی کوردستان بو گوهارتنا بەلانسا هێزا ئەڤ لەشکەرێ سەددام گازیکر بو هەڤلێر و دەبابێن سەددام کەفتن ناڤا هەوشا پەرلەمانی. کو ئەڤە و گەلەک چوکدانێن دی بو نەیارا پەدەکێ و یەنەکێ کرن و دکەن ژبو ژناڤبرنا خوە و بهێزکرنا داگیرکەرێن وەلاتێ مە.