ل ژێر دەستێ سياسيێن گورگ سيفەت و ساڤا مهێن خاری مەزن دبن
عبدالخالق دوسکی
سياسەت زانستەکە ژ زانستێن مروڤايەتی و جڤاکی کو چەندەک ژ تاک و تەخێن جڤاکی ل گورەی زەرورەت و حەزا خوە بو ئارمانجەکا دەست نيشان کری مل د دەنە وێ ماراسونێ،دناڤدا بيردوزێن سياسی و پەيادەکرن و پێناسەکرنا رێکخستن و رەفتارا سياسی وکاريگەريا وێ لسەر جڤاکێ تێتە خواندن کو زانستێ رێکخستن و رێڤەبرنا دەولەت و مروڤ و جڤاکی يە و زانستێ لهەڤکرنا پەيوەنديێت دەولی يە،
هەرچەند زانستێ سياسی پێناسەيەکا فەرمی و هۆير نينە بەلکی ل گورەی پێشهات و رۆيدان و جڤاکا هاتيە پێناسە کرن لەوما تێگەهشتن و پێگەهشتنا کومەلگەهان بو سياسەتێ ژ هەڤ جودايە ،حـنــــــێرا ڤی زانستی لدەمەکی ديار دبيت کو وولات يان کومەلگە رۆی ب رۆی کێشە و ئالوزی و گرفت و بەرەڵایـــــيان دبيت لسەر ئاستێ ناڤخوەيی و دەرڤە ،و سياسەت زانێن دەولەتمەدار دگەڵ و ووڵاتێ خوە ژ وان قەيرانان دەربازدکەن
سلوکێ سياسەتمەدارا ل پڕانيا جيها ب تايبەت ل روژهەلاتا ناڤين هەلگرێ خو زڵزانينەکێ يە کو ژ غەيری وان خەلکەکێ دی نەشێت بهێتەد ڤی بواری دا يان بو هەلناکەڤيت لەوما ژی مڵ د دەنە بەر رەفتارێن نەزوک و ئالوێرکرن ب ڤی زانستی،ئەگەر نا کەسەکێ کو قوناغێن زانستی بو ڤی بواری دەربازکربن د ڕوالەت دا ب تەمامی ئەو بو دوزا گەل و ووڵاتێ خوە سياسەتێ دکەت،بەلێ بو چ سياسی ل دەڤ مە د ســــاڤانە ؟
چونک پتريا وان نەک تەنێ هەلگرێ زانستێ سياسی نينن! بەلکو ل گورەی (سهم) پشکا بابێن خوە ئەڤ
نــــــازناڤە بو تومار بويە
رەنگە هەمی مروڤەکی دەرفەتا خواندنا، زانستێن سياسی ومومارەسە کرنا وێ نەبيت بەلێ يــێن بو هاتيە پێش و هەر مروڤەکێ دی ،دێ شێت رێزێ ل داب و نەريت و جڤاک و ئێش و ژان و هەلکەفتێن وەلات و خەلکێ خوە گريت و ل پێشيا گەلێ خوە بو ئارمانجەکا دەست نيشان کری خەباتێ بکەت،بەلێ ئەڤێن ل پێش چاڤێن خەلکی شەربەتێ نوش دکەن و ل نەپــــەنی شەرابـــــێ ژ بڵی تاجريــیێ هەلگری چو پێشەيەکا سياسی نينن وە ئەڤ مڵهوری و دفن بلنديا وان نابيتە مێـــژوو بەلکو دێ کەڤيتە د زبلدانا مێــــژوويێ دا
چونکی ل گور پێناسا /ابن عقيل/ بو ڤی زانستی، پێتڤيە سياسەتا رەوا چاکسازی و پاکسازيێ د مروڤاندا بەرهەم بينيت ، بەلێ ڤان ساڤايا نە تەنێ چاکسازی و پاکسازی پێ ناهێتەکرن بەلکو چاکی و پاکی يا خوەزايی يا خەلکێ کوردستانێ ژی لەکە دار کريە
ل ووڵاتێ کو تو رێزێ ل سەروەريا ئاخ و نەتەوا
خوە نەگری و دراڤێ خەلکێ خوە ژ پێخەمەت دوژمنا ســـپی بکەی و خوە وەکی حزبيەک ل شۆينادەستهەڵاتا( جێ بە جێکرن- ياسا دانان – دادوەری) ببينی و سەروکانيا داهاتی ل گومرک و وێستگەهان زەفت بکەی و شاهانە بژی و خانەنشينێن تەژی ل رێزا موچەی بمریت و ل شەڤێن تاری و سور پێکا شەرابێ زمانێ وە ژ قوقلکێ دەربينيت ئەڤە نە دەرئەنجامێ بروانامێت زانستێ سياسی نە بەلکو بازرگانيەکا سياسيا کرێـــــتە ب خەلک و جەماوەرێ بێ نازێ خوە دکەن
ئەرێ دەم نە هاتيە خەلک شەرمێ ژ ئەندام بونا. خوە د گەل ڤان گورگا بکەن و مينا ميهەکا .رەبەن نەبنە پێخورێ وان؟