ل ویلایەتا جۆرجیا بایدن پێش ترەمپ کەفت

فۆکس نیوز بەلاڤکر، ل ویلایەتا جۆرجیا جۆ بایدن ب زێدەتری ٩٠٠ دەنگان پێش دۆنالد ترەمپ کەفت.

کەنالێ فۆکس نیوز بەلاڤکر، ل ویلایەتا جۆرجیا کو خودان ١٦ کورسیە، جۆ بایدن بەربژارێ دیموکراتان ب زێدەتری ٩٠٠ دەنگان پێش دۆنالد ترەمپ بەربژارێ کۆماریان کەفت، کو ئەڤە د ٢٨ سالێن دەربازبوویی دا یەکەمجارە د هەلبژارتنان دا دیموکرات ل وێ ویلایەتێ پێش کۆماریان بکەڤن.

ل ویلایەتا جۆرجیا جوداکرن و ڤاڤارتنا دەنگان بەردەوامە و هەیا نها ب ڕێژەیا ٩٩٪ێ یا دەنگێن وێ هاتینە جوداکرن، جۆ بایدن ب زێدەتری ٩٠٠ دەنگان ل پێش دۆنالد ترەمپە.

د ڤێ ویلایەتێ دا هەڤرکیەیا توند د ناڤبەرا بەربژارێ کۆماریان و بەربژارێ دیموکراتان دا هەیە، ئەڤە ژی دەمەکێ دایە، کو ژ سالا ١٩٩٦ێ ڤەیە بەردەوام د هەلبژارتنان دا کۆماری سەرکەفتیێن وێ بوونە.

د نها دا بەشەکێ زۆرێ دەنگێن هەلبژارتنا سەرۆکاتیا ئەمریکا هاتنە جوداکرن و هەیا نها جۆ بایدن بەربژارێ دیموکراتان ل پێشە و بتنێ پێدڤی ب شەش دەنگێن دییە ژبۆ ببیتە سەرۆک کو د نها دا ٢٦٤ دەنگ هەنە، د هەمبەر دا دۆنالد ترەمپ د نها دا ٢١٤ دەنگ مسۆگەرکرنە، هەڤدەم ل ویلایەتێن پەنسیلڤانیا، کارۆلینایا باکور، ئەلاسکا ل پێش بایدنە، لێ دڤێت دەنگێن وان سێ ویلایەتان دگەل هەریەک ژ ویلایەتێن نیڤا و جۆرجیا ژی بدەستڤە بینیت داکو ببیتە سەرۆک