قوتابخانە و پەروەردا ئولی
نزیر کادانی
وانەیا ئاینی بهێت گۆهرین بۆ ئاین ناسی……!!!
ئەڤە بۆ دەمێ ١٠ ساڵایە ئەز مامۆستا، وانەیا ئاینی وانەیەکا ئیهمالکریە ژلایێ قوتابی ڤە؛ ئەسڵەن قوتابی هیچ لێ تێناگەهیت و ئێک ئایەت و ئێک ریوایەت ژی نزانیت بخینیت و بنڤیسیت چوونکو مێشکێ قوتابی ئیستیعاب ناکەت، ب دیتنا من سازیێن ئاینی مینا ئەوقاف و خوێندنا ئیسلامی و کولیژ و پەیمانگەهێن ئیسلامی و مزگەڤت و ڕێکخراوێن تایبەتمەند دئەڤی بواری دا ب ڕۆلێخوو هەستن بۆ شرووڤەکرنا ئاینێ ئیسلاما پیرۆز بەسە، ئەم دکارین ل قوتابخانێ وەک ڕۆشنبیریەک گشتی قوتابیێن هێژا فێربکەین سەبارەت هەموو ئاینان، ژبیر نەکەین ل گۆر یاسایا ژمارە پێنچ ل ساڵا ٢٠١٥ ە ؛ دایە دیاریکرن ل کوردستانێ پێنچ ئاین و هەشت نەتەوە هەنە، گەلەک گرنگە بەحس ل تەڤایا پێکهاتەیان بهێتکرن ب شێوازەک ئەکادیمی و بێی تەرەفگیری و ئایدوڵوجی، چوونکە کڕۆکا هەمی ئاینان خزمەتکرنا مرووڤی یە و ڕاستەرێکرنا وانایە بۆ کارێن جوان و هەژی.
هەروەسا لسەر ئاستێ جڤاکی ژی پەروەردا خێزانێ ڕۆلەک مەزن هەیە کانێ ئایە ئەو دخازن زارووکێ وان فێرە ئاین بیت یانژی نە؟!
هیچ گۆنجای نییە ئایین ببیتە ئایدوڵوجی و هندەک کەس و لایەن ژی بهێن پاریێ خوو پێ چەوربکەن و خەلکی چەواشەبکەن.
بۆ زانین ل کوردستانێ زیاتر شەش هزار مزگەفت هەنە، زیاتر سێ هزار گۆتار خین هەنە و دەهان کەناڵێن میدیایی هەنە و سەدان پەیجێن ئیسلامی هەنە و گۆگل و یوتیوب هەیە یاتژیە ل وانە و پەرتووک و بابەتێن ئاینی ….. ئەرێ خێرە هندەک کەس و لایەنێن ئیسلامی دهێن هەست و سوزا ئاینی یاخەلکێمە دلڤینن بۆ بەرژەوەندیێن بەرتەسکێن ئایدوڵوجی و حزبی ؟!!!!
دگەل ڕێزێن من بۆ تەڤایا ئەڤان بەرێزان بەلێ ئەز دبینم ئەڤ چەندە تنێ بۆ سیاسیکرنا پێشنیارا وەزارەتا پەروەردێ یە نەک زێدەتر، هیچ گرنگیاخوو نینە ئەڤ بابەتە حەتا ئەڤی ڕادەیی بهێت بەحس کرن و بابەت بهێت وروژاندن.
بۆ زانینا هەمی بەرێزەکی ئەگەر ئیسلام بهیڤیا دەرسا ئاینی بیت ل قوتابخانەیان، ژبرایێ خوو بزانن ئەو ئاین ژمێژەوەرە نەمایە و ژناڤ چوویە!!!
بەلێ پشت ڕاستم ئەڤ کەس و لایەنەژی دزانن گۆهرینا وانەیا ئاینی بهێت گوهرین بۆ ئاین ناسی هیچ باندورەک نێگەتیف نینە لسەر جڤاکی؛ بەلێ پا ئەوژی ماڤدارن ل دەڤ خەلکێمە خوو شرین بکەن و ببێژن ئەم یێ بەرگریێ ل ئاینێ هەوە دکەین و وەزارەتا پەروەردێ و پەرلەمان ژی یا دژاتیا ئاینێ هەوە دکەن، هەروەسا ئەوان دڤێت ببێژنە خەلکێمە هوخەلکینوو ژبیرنەکەن هەلبژارتن ب ڕێڤەنە و دەنگێخوو بدەن مە، ئەم هنگڤینێ دارێی نە و ئەوێن دیتر ژی هنگڤینێ شەکرێ نە