سەد سال ب داوی بون وخەونا دەولەتاکوردی هەر بەردەوامە ..
گەلێ کورد کە خودان دیروکەک دیرو درێژن و خودان خاک و خەلک و زمان و چاند و فەرهنگەک تایبەتە کە ب هزاران سالە د ڤێ دەڤەرا کو نها بناڤێ کوردستان ئیرو دا دژین بێ کو شیابن دەولەتەکێ بو نێزیک پێنچی ملیون کوردان درست کەن و ژ دەستێ داگیرکاریێ و سیتەمێ رزگار ببن براستی ژی جهێ پسیاڕێ و بخوەداچونێ یە .
پێتڤیە ئێدی کورد ب خودا بچن و گرێک و ئاستەنگێن خوە دەست نیشان بکەن و دەستێ خو بداننە سەر برینێ دا یێ دی ئەو برین کویرتر نەبیت و ەکی هەر گەل و نەتەوەکێ بکارن دەولەتەک خودان ستاتو وسەر دەست ئاڤا بکەن .
ئەلبەتە کێشا کورد و تورک ئێک ژ گرێکێن هەرە سەختە و ئەگەر ئەم تەماشایی دیروکێ بکەین پێش دوو سەد سالا بەری پەیمانا سیڤەر کوردا گەلەک هەول دانە و تێکوشینە کو بکاریبن خوە ژ زولم و سیتە ما ئوسمانلیا رزگار بکەن.
لێ نەشیاینە ژبەر کو کورد خوەدی هزرو نەریتێن خێلەکی و مالباتی بون مالباتەک یان هوزەک دگەل دوژمی بو مالباتەک دژی دەولەتێ بو لەوما نکارینە وەکی گەلێن جیهانێ ببن خوەدی دەولەت ئەڤە گرێکا هەری بەرچاڤ گرێکا دی بباوەرا من گرێکا ئاینی یە کە بەردەوام بوینە قوربانی ئول و ئولزایێن چودا چودا .
دیسان گرێکا دی نەبونا ستراتیژ و تەکتیکایە ئانکو کوردا نەخشە رێکا درستکرنا دەولەتێ نەبویە . د دەمەکی دا بچوکترین نەتەوە شیاینە دەولەتێ درست کەن بێ کو بیر ل لایەنەکی دیار و ئایدولوژیەک پاشڤەرو و فەودال کە کوردا دشیا سود ژ ئەزمونا وان وەلاتان ببینن .وەکی پەندا کوردی دەما دبێژن ئەگەر نەزانی چاڤ بدە جیرانی . دیسان گەلەک گرێکێن دی ژی هەنە کە گرێدایێ هندەک هوکارێن فەسیولوژی یێن تاکێ کوردن کە هەمیشە چاڤجنوکی و جەتەیی و دوو بەرەکی و خوەپەرستی و لوت بەرزی بو یە ژەنگەک بو ناشرین کرنا ناسناما کوردی و کورد وەک پەرتالەکێ هەمیشە کەتیە پازارێ کرن و فروتنێ .
خویایەکە پشتی پەیمانا سیڤەرێ و ب داوی هاتنا ئمبراتوریەتا عوسمانی و ژدایک بونا دەولەتەک کوماری ل تورکیا ئانکو بێژین ژ 1920_1923ێ وەرچەرخانەک جوداتر ژ نێرینێن بەری یێن ل سەر دەمێ خێل و میر و مێرگه ه و عەشیرا دەست پێ بو، ئەو ژی تەڤگەرا رزگاری خوازیا سیاسی نەتەوەی بو کو ئێکەم بزاڤ ژلایێ هندەک رێکخراوێن روشنبیری و نەتەوی ڤە کەتن روژەڤێ و شیان پێش سالێن بیستا تاکێ کورد هشیار بکەن و باندورا نەتەوەیی بەرف مورالەک بەرز و پیروز ببەن و هندەک گاڤێن گرنک بهاڤێن چ دوارێ خو رێکخستنێ دا چ دبوارێ راگەهاندن و جاپەمەنیا و دیسان ژی چاند و ناسناما کوردی ، لێ زور پێ نەچو ب سیناریویێن چودا چودا هاتنە پوچ کرن ژلایێ ئوسمانیا ڤە و شیان کوردێن موسلمان و ئەرمەن و کریستیان ڤێکرا بەردەن و دسالێن 1915ێ دا رەشەکوژیا ئەرمەنا راگەهینن و ب ڤێ ئاوایی دیوارەکێ گرنگ ژ برایەتیا کورد و ئەرمەنا روخاند پاشان ل کوردان زڤرین و جینوسایدێن بێ وێنەب سەرکوردا دا ئینان .
لەوماژی هندەک لڤ وبزاڤ و شورەشێن و ئێکەم شورەشا کوردی ل ساڵا 1925 بناڤێ شورەشا شێخ سەعیدێ پیران سەر هلدا ب بەژداریا 15 هزار جەکدارێن کورد هەمبەری 52 هزار لەشکەرێ تورک لێ پپشتی چەند مانگەکا ئەو شورەش ب داوی بو د هەمان دەم دا شێخ دگەل36 رێ هەڤالێن خوە هات دارڤەکرن و ئەڤ شورەشە بێ سەروبێ ئەنجام بو.
دیسان ل سالا1927 دیسان ل هەرەما پالو شورەشا عەبدول رحمانێ برایێ شێخ سەعید سەر هلدا و کارین چەند باژارەکا ژ دەست رژێما تورک دەرخینن لێ ئەوژی ب کارەساتا بینگولێ ب داوی هات .
دیسان شورەشا ئیحسان نوری پاشا ل 1929 _1930 و دیسان ل چیایێ ئاراراتێ شورەشا سەید رەزا سەرهلدا کو د سالێن 1937_1939 لێ دیسان سەر نەگڕت و شورش دیسان ب دارڤەکرنا سەید رەزا و ب کومکوژی و سەرژێکرن و کیمیا بارانکرنا ب هزاران گەنج و پیرو شیر و ژنان ب داوی هات . بکورتی دناڤ بەرا سالێن 1925_1939پتر ژ ملیون و نیڤ کوڕد ل سەر دەستێ ڕژێما شوفینیا تورک هاتن کوشتن ژبلی کوردێن ئەرمەن کو ئاکنجیێن رەسەنێت مەزوپوتامیا و ئەنادولێ بون .
دیسان د سالێ1978 شورەشاپارتا کارکەرێن کوردستانێ دەست پێ بو کە تانوکە بهزاران کچ و کوڕێن گەڕیلایێن کورد هاتنە کوشتن ژلایێ تورکیا و تا شەرێ داعشێ و شوڕەشا ژن ژیان ئازادی یا بەردەوامە ب هەمان ئاوا شورەشێن ڕوژهەلات وەک شورەشا سمکویێ شکاک و قازی و قاسملو.
دیسان ل باشوڕێ ژی وەک شورەشاشێخ مەحمود و شورەشێن بارزان و قوناغێن وێ و بزاڤێن دی یێن حزبی ل باشورێ.
دیسان ژی ل روژ ئاڤا لێ تانوکە ب ملیونا جانگوریێن کورد بوینە قوربانی خەونا دەولەتا کوردی هێژ کورد بێ دەولەتن و داگیر کەر ژی هەر د بەردەوامن ل سەر داگیرکاریا وان ژ هەر لایەکێ ڤەو روژ بو ڕوژ ئەولەهیا کوردستانێ و ئاسایشا نەتەوی ل ژێر کەفێن مەترسیدار دایە .
ئەرێ گەلو سەد سال بەس نینن کوردا پیلانەک هەبیت ستراتیژەک هەبیت بکارن ئێکەتیەکا گشتگیر درست کەن و هندەک قوناغا دارێژن کار بکەن ل سەر دروستکرنا میکانیزمەک نەتەوی کە ببیتە ئارمانجا هەر کوردەکێ ل جیهانێ و کوردستانێ وەک کا چەوا جهویا کاری دەولەتا ئیسرائیلێ درست بکەن وەهاژی کورد بکارن سود ژ گەلەگ ئەزمونێت جیهانی وەرگریت ، لێ مخابن کوردا سود ژ سەد سالیا بن دەستیێ نەدیت وە هەر وەسا سود ژوان دەرفەتێن زێڕین ژی نەدیت یێن وەک سالێن نوتا ل باشورێ و دوو هزار و سێزدێ ل روژ ئاڤاو دوو هزار و پازدێ ل باکور و داویێ ژی شورەشا ڕۆژ هەلات ژن ژیان ئازادی ، کە مخابن کوردا نەشیا سود ژ ئێک ژڤان دەرفەتا ببینن ددەمەکێ دا پرانیا جیهانێ ژی پشتەڤان بون .