روژا ئاكپارتى و خودانێ وێ به‌ره‌ڤ ئاڤابونێ
بەشێ سێ
عومه‌ر سندى
ئانكو دهه‌ردوو بوارانده سه‌ركه‌فتن نه‌ئیان ودویر ئێخستنا توركیا وه‌كو ده‌وله‌ت ژبو ئه‌ندامبونا وێ د یه‌كه‌تیا ئورپانده وه‌كو كاره‌ساته‌كا هه‌رى مه‌زنه ژبوتوركیا كو هنده ساله لسه‌ر وێ ئومێدێ خه‌ون د دیتن لێ ئیروكه گه‌لێ توركیا ب ته‌مامى هاته بێ ئومێد كرن وخه‌ونا ئه‌ندامبون دیه‌كه‌تیا ئوروپادا لبه‌ربارانا سیاسه‌تا شاشا پارتیا داد و وه‌رارێ چو ئیخوانان ل توركیا سه‌ركه‌فتن نه‌ئینا هه‌روه‌كو ل جیهانا عه‌ره‌بیژى سه‌ركه‌فتن نه‌ئیناى نڤیسه‌رێ ناڤدارێ توركیا یاوز بیده‌ر د گوتاره‌كێدا دبێژت: ئه‌ردوگان دهه‌موو بواراندا سه‌ركه‌فتن نه‌ئینا ئارمانجا وى ئه‌وبو شه‌رێن ناڤخوى و پێكدادانان ل وه‌لاتێن هه‌رێمێ په‌یدابكه لێ نه‌كارى نه ل لیبیا ونه‌ژى ل سوریا و ل ئێراقێژى باوه‌رى یا ژده‌ست داى ل ئالیه‌كدن ب كرینا سیسته‌مێ ئێس 400 دوربه‌كا كوژه‌ك ل په‌یوه‌ندیێن توركیا لگه‌ل ناتو دا دیسان ئیرو كومكارا عه‌ره‌بى بهه‌موو ئه‌ندامێن خوه‌ڤه یه‌ك ده‌نگه ل دژى ئه‌ردوگانى و سیاسه‌تا وى بتایبه‌تى به‌رهنگاربونا وى لگه‌ل مسرێ ل سوریا هه‌موو پێكولێن ئاكه‌پێ و ئه‌ردوگانى وهه‌ڤهزرێ وى ده‌وله‌ت باخچه‌لى سه‌رنه‌گرتن كوبكارن ئه‌مه‌ریكا رازى بكن پشت ل باكورێ سوریا (روژئاڤایێ كوردستانێ ) بكه وئالیكاریێن له‌شكه‌رى نه ده هێزێن سوریا یا دیموكرات لێ ئه‌مه‌ریكا گوهدارى نه‌كر وهه‌تانى نهاژى به‌رده‌وامه لسه‌ر ئالیكاریا هێزێن سوریا دیموكرات وهه‌رژبو بابه‌تێ سوریا مه‌زنترین ره‌خنه ژ ئوپوزسیونا توركیا و سیاسه‌تمه‌دارێن توركیا هاتنێ لێ گوهدارى لوانژى نه‌هاته كرن تنێ ل سالا 2021 ێ ل گوره‌ى ئاماران بسه‌دان جه‌ندورمێن تركى ل باكورێ كوردستانێ هاتینه كوشتن لێ زێده‌بارى دانا ڤان قوربانیان ئوپه‌راسیونێن جه‌نورمان هیچ ئامانجه‌كا خوه نه‌هنگافت ئه‌ڤه‌ژى بیه ئه‌گه‌رێ وێ یه‌كێ كو ئوپوزسیون لسه‌رڤى بابه‌تى راوه‌سته ومه‌زن بكه وبیه ئه‌گه‌رێ ژده‌ستدانا جه‌ماوه‌ره‌ك مه‌زن هه‌موو راپرسیێن ل ڤان دوو سالێن داویێ هاتینه كرن ئه‌نجامێن وان ژبو پارتیا داد و وه‌رارێ مه‌ترسیدارن وخویا دبه كو هه‌لبژاردنێن داهاتى مینا كاره‌ساته‌كێ بن و ده‌ستهه‌لات بێته ژ ده‌ستدان بتایبه‌تى ئوپوزسیون داخوازا هه‌لبژاردنێن پێش وه‌خت دكن هه‌ردیسان ئوپوزسیونێ به‌ره‌یه‌كى بهێز یێ لهه‌مبه‌رى ئه‌ردوگانى و باخچه‌لى ئاڤاكریه دخوازن دڤێ ره‌وشا شر وناله‌باردا هه‌لبژاردن وه‌رن كرن پارتیا داد و وه‌رارێ باش دزانه ئه‌نجامێهه‌لبژاردنان وێ چبه له‌واژى بدژوارى ل دژى ڤێ پێنگاڤێ راوه‌ستایه لێ چقاسى به‌رهنگارى وه‌ره كرن وچقاسژى لدژى ئه‌نجامدانا هه‌لبژاردنان راوه‌ستن وێ وه‌رن ئه‌نجامدان چونكى داخوازا پرانیا هێزێن سیاسى و جه‌ماوه‌رى یه ژبلى داخوازێن ئه‌نجامدانا هه‌لبژاردنان داخواز تێته كرن كو سیسته‌مێ سه‌روكاتێ نه‌مینه ئه‌وژى برێكا ده‌ینانا ده‌ستوره‌ك نوى هه‌روه‌كو كلیچدارئوغلو سه‌روكێ مه‌زنترین پارتیا ئوپوزسیونێ دبێژت ڤى سیسته‌مى ژبلى كاره‌ساتان ژبو توركیا لپه‌ى خوه نه‌ئانین تشتێ هه‌رى سه‌یر و سه‌مه‌ره لڤێرێ هه‌تانى نها و زێده‌بارى ڤێ هه‌رفین ودارمالینا ئابورى و سیاسى و له‌شكه‌رى ده‌ستهه‌لاتا داد و وه‌رارێ و سه‌روكێ وێ دانپێدان بسه‌رنه‌كه‌فتنا خوه د بوارێن ناڤهاتیدا نه‌كریه و نه‌ژى ژبو بێ بهابونا لیرێ تركى لهه‌مبه‌ر دولارى گوهداریا شاره‌زایێن بوارێ ئابورى دكه و به‌رده‌وامه لسه‌ر سیاسه‌تا خوه یا شاش هه‌تانى توركیا گه‌هاندیه ڤێ قوناغا مه‌ترسیدار وئێخستیه دڤێ تونێلا تاریدا