دڕاڤێن ئەلکترونی و جهانا ئەڤڕو و کاریگەریا وێ ل کوردستانێ

پەیبەر پەنابەر

دراڤێن ژمارەیی یان ژی بێژین ئەلکترونی ین مینا ,

BTC, ETH , OKB , MATIC, XRP , SOL , DOGE

و ب سەدان دڕاڤێن دی ب باوەرا من شورەشەکا نویا پیشەسازی و بازرگانیە د جیهانا ئەڤرو دا پشتی قوناغێن جودا جودایێن شورەشێن پیشەسازێ ژ کارکەریا مروڤی بەرەڤ تەکنولوجیا ئیرو کو نوکە باندورەکا ئەرێنی ل گەل و مللەتێن جیانێ کریە بتایبەت وەلاتێ جینێ و هندستانێ و وەلاتێن ئەوروپی و ڕوژئاڤا ب گشتی کو گورانکاریێن بەرجاڤ ب سەر ئابورێ جیهانێ دا ئینایە و تاک و جڤاک دکارن ب ریا تەکنولوجیا ئیرو راستە و خو ببن خودان کار و داهات و کومپانی ب ریا تورێن ئەلکترونی و جڤاکی کو دناهدا بێ ماندیبون و وەستیان تاکێن جڤاکی بەژدار دبن ل دیف یاسایێن تایبەت و سیاسەتا تایبەتا وان سەرچاوێن بازرگانی و د ریا هندەک سایت و ئەکاوەنتێن جودا جودا دا ئیرو شیایە وەکە شورەشەکا بازرگانی ببیتە جهێ سەرنج وبایخدانا وەلاتێن جودا و ب ئاسانی خەلک دشێت سود مەند ببیت بێ کەد و خوهدان .
دیسان د ڤان سالێن داویێ ژی دا ل گەلەگ وەلاتێن ئەرەبی ژی رەنگڤەدانا خوە هەبویە بتایبەت وەلاتێن وەکە سئودیا و ئیمارات و قەتەر و کوێت و گەلەک وەلاتێن دن و ب پارەکێ زەبەلاح بەژداڕی ڤێ پروسێ دبن و دبن خودان قازانجێن بەرچاف .
لێ ل دڤان سالێن داویێ دا غیراق و بتایبەت کوردستان ژی ب ئاوایەکێ نەرێخستی و نەراستەوخو تێکەلی ڤی بازڕگانیێ بوینە و ب ملیونا دولار لێ مەزاختینە و بێ هیچ شارەزایەک و گەڕەنتیەک و د نوکە دا بویە نەریت کو د ناڤا ئێک خێزاندا زوڕ بەیا تاکێن خێزانێ خودان ژمارەیێن تایبەتن و ب گوژمە پارەکێ بەژدار بوینە و ڕوژانە چاڤێ ون یێن ل وان ژمارێن تایبەت کا قازانج و زیانا وان چیە د وان دراڤێن ئەلکترونی دا ، لەوما ژی ب ملیونا دولار زەرەرمەند بوینە و ل لایەکێ دی رێژەکا دیار ژ هندەک کەسێن دیار ب ملیونا قازانچ کریە .
بباوەرم ئەگەر ئەڤرو خەلکێ کوردستانێ ژ ڕویێ شەرعی ڤە پشت راست ببن دبیت یێ پێنجی دولار ژی د مالێ دا هەبن بەژدار بیت ژبەر کو بێ کاری گەهشتیە سەر هەستی و کریز و قەیرانا خەلکێ وەلێ کر ی کو پەنایێ بو هەمی کارەکێ ببەن بێ کو بزانن کا دێ جارەنفیسێ وا د پاشەروژێ دا دێ یێ چەوا بیت ، ڕاستە گرفتێن مەزنێن خێزانی رویدانە و خەلکەک ژ ئەنجامێ نەشارەزایێ تویشی زەرەرێن مەزن بوینە وەکی دەینداری و خانی و ملک فڕوشتنێ و ل لایەکێ دی روژ بو روژێ ئەڤ جورە بازرگانیە د تەشەنە و گەشە سەندنێ دایە لەوما د وێ باوەرێ دامە د پاشەروژێ دا دێ گورانکاریێن مەزن و کاریکەر دێ روی دەن و رەنگە وەکێ پەتایەکێ و ئێشەکێ ببیتە نەریت و باندورا خو ل سەر هەمی خێزانێ هەبیت بێ کو بزانن جارەنڤیسێ وان چیە و ژ ڕویێ شەرعی و یاسایی ڤە چەوانە .
هیچ لایەنەک ژی خوە ل ڤێ دیاردێ ناکەتە خودان نە بسپورێن ئابورێ ، نە شارەزاو خودان ئەزمون د ڤی بیاڤی دا نەژی زەلامێن ئاینی و زەلامێن دەستهەلاتێ ڤێ دکەنە مژار و جڤاکی ژ رویێ ئەرێنی و نەرێنی ڤە ئاشنا دکەن ، لێ ب باوەرا من د پاشەروژێ دا دێ ئەڤ مودێلا بازڕگانیێ جهێ بازڕگانیا جێگیر گریت وەکی زێر و دولاری لێ پشت راست نینم ژ چەوانیا سەر کەفتنا وێ ل روژهەلاتا ناڤین .