خیانەت وەک نەریتەکێ کونکریتی دناڤا گەلێ مەدا ..

                    پەیبەر پەنابەر     

خیانەت و ناپاکی د هەر سەردەمەکێ و ل هەر جهەکێ و دناڤا هەر چڤاکەکێ دا کرێترین رفتارا دەرونی و چڤاکی یە، شکاندنا هندەک ئورف و پێرابۆنێت مروڤی و ئەخلاقی نە ، ژکاندنا باوەریێ و پەیوەندی و ل هەڤهاتنێ یە ، کرێترین بیڤەرێ تاکە کەسی و جڤاکی یە ، سڤکترین وێنەیە دچاڤێن بجیک و مەزنا دا ، لەوما ژی نەک تەنێ مرۆڤ و مرۆڤایەتی قەبول ناکەن بەلکو دناڤا ژینگەهێ و یاسایێن دارستانێ ژی دا جهێ قەبولکرنێ نینە .
لەوما کەسێ خیانەتێ دکەت هەم ژلایێ تاک و جڤاک و مرۆڤایەتی بگشتی ، هەم ژی ژلایێ دیروکێ و هەم ژلایێ ئاینی ڤە کەسانەکن رسوا و باوەرشکین و ناشرین و بێ ئاستن .
لەوما ژی دگەلەک ئاستا و ب شێوازێن جودا دهێتە کرین و فروتن و دهێنە دیتن و پروتەستو کرن و نەفرەت باراندن .

جورێن خیانەتێ گەلەکن .. (هەڤالینیێ ، هەڤژینیێ،بابینیێ ،بازرگانیێ ، سیاسی ، نشتمانی ، نەتەوی، ئاینی،ژینگەهی ….هتد ).

رێکێن خو پاراستن و بن برکرنێ
ل پێشیێ ژ خێزانێ دەست پێ دکەت پێتڤیە دای و باب رێکێ نەدەن درەو و خیانەت و ناپاکی دناڤا خێزانێ دا سەر هلدەت.

ژبەرکو سازکرنا باوەری و حەز و وەفا وئامادەسازیەکا پاک و بژوین یاخێزانی یا ئەفرو جڤاکەکێ پاک و پاقژ بێک دئینیت د پا شە رۆژێ دا .
دیسان دناڤا باغجە و دبستان و زانینگەها ژی ماموستا بەرپرسە ژ هەمی ڤان بەرپرسیاریا و پێتڤیە نەهێلین ناپاکی و دزی و چاڤپیسی وبەترەوشتی و خیانەت سەرهەلدەت ژبەرکو دێ ئەڤ خویندکارە بنە ماموستاو پێشەنگێن پاشەرۆژێ .
دیسان پێتڤیە مەلا و مەتران ژی ل سەر میمبەرا ڕولەکێ ئەرینی هەبیت دا کو جڤاک هشیاربیت ژ ڤێ دیاردا نە شرین و نە ژ هەژی .

دیسان یاسا و یاساناس سزا و بەربەستێن توند و تول دەست نیشانکەن بو ڤان دیاردا .
لێ پشکا شێری بەر بەرپرس و سەروکێن ڤی وەلاتی دکەڤیت ژ بەرکو ئەو پێشەنگن و دبیت رۆشنبیر و زاناو دانا ودەستپاک و رەوشت بەرز بن و دویربن ژ خوفرۆشیێ و خاک و خەلک فڕۆشیێ .
ژبەرکو دەما وا خوە فرۆت دێ خیانەت بیتە ئەرک و شانازی.

لەوا ژی پێتڤیە ل سەر ڤان دیاردا راوەستین و نەهێلین زێدەتر گەشێ بکەت و زێدەتر باجا جینوساید و ئەنفال و کوجبەری و کوجێن ملیونێ ب دەین ئێدی رێ نەدەین توڤێ حەسەن خەیریا و زیاب ئاغا و قاسویێ کور دناڤا مە دا شین ببن و سەرهلدەن.
بێتڤیە ب توند و تولی ل هەمبەرێ ڤا دیاردا راوەستین و خیانەتێ و خاینا ل پاش خوە بهێلین دا ئەم ژی ببین مللەت ببین دەولەت، ژبرەکو فهێتیە پێنجی ملیون کورد خودان خاک خودان زمان خودان. مێژو خودان چاند و فەرهەنگ لێ بێ دەولەت د دەمەکێ دا پێنچ هزار کەسا دەولەتا هەی و خودان هەبون و هەیمەنەتن براستی دەم هاتیە تاکێن ڤی جڤاکی ب توندی روی ب ڕوی ڤێ مەسەلا کوژەک ببن و نەهێلن توڤێ خیانەتێ ئێدی سەرهلدەت و گەشێ بکەت .