خوە کوژی و خەلک کوژی ژ بوشاهیێ نەهاتیە ونائێن !!

پەیبەر پەنابەر

ئەزدخوازم ڤێ مژاڕێ ب چەند گوتنەکێن پێشیا دەست پێ بکەم ، باب و کالێت مە دبێژن (دوو سەڕێت بەڕانا د دیسکەکێ دا ناکەلن ، دوو هەسپ ل سەڕ هاڤڕەکێ ناجەڕن ، دوو مالخوی د مالەکێ دا نابن ، ئەز جیا و تو جیا کولک مانە بێ گیا ) ئەف کوتن ل پێشیێ دەڕبرینێ ژ دوو ڕەنکڤەدانا دوو زونا دوو حکومەتا دوو دەستەهەڵاتا دوو مالباتا و تا شور دبیتە دوو هیزی و دوو ئیداڕەدان و تا داویێ !! ئەڤێ مودێلا سیستەما سیاسی ل کوردستانێ ل جهێ ببیتە میکانیزمەک و زەمینەک بو پێشخستنا ڤی جڤاکی پێجەوانە چڤاک ب داهات و پێشهات و ژینگە و سامان ڤە کڕە قوربانی بەڕژەوەندیێن خوە و ژ بوی خزمەتا خوە بکاڕ ئینان. ئانکو پێجەوانە هەمی عورفێن مروڤی ومودێلێن سیاسی نەریتێن شارستانی ئەڤ هەبونە کرنە میکانیزما خوە دەولەمەندکڕن و بهێزکرن و مانەڤا پێگەها خوە ئانکو کرن ئالاڤەک بو گەهشتن ب مەڕەمێن خوە ، لەوماژی هیچ ئاسویەکا گەش دیار نینە هندی دچیت ئەمێ دەستکەفتا داهاتی ئاخێ مڕوڤا ژینگەهێ دابو نەریتا ژ دەست ددەین سال ب سال خوزی ب پار ، لەوماژی گەر دوخەکێ نالەبار و دژۆار کەت پێشبەڕی جڤاکا بێ گومان دێ ئەڤ رویدانە دناڤ دا پەیدابن . نەخوشیێن دەڕونی یێن جودا جودا ئێش و نەخوشیێن جەستەیی( مینا جەلتا مێشکی و دلی و مێلاکا دیسان پەنا برنا خوە کوشتنێ و خەلک کوشتنێ و سەڕهلدانا بەربەریەتێ و کێشمە کێشما هوز و بنەماڵا ب بەرهەم ئینانا ب سەدان زمان پیس بەد ڕەوشتی و پەڕتەوازی وکوێلا دێ بەرهەم ئێن و سەڕ هلدەن، ژ بەڕکو هوکاڕێن سەڕەکی ئەڤە نە ..

1_ نەبونا مروڤێن هەژی ل جهێن هەژی ، ئانکو پێجەوانە هندی کەسەکێ رسوا و ئیفلاس ژ هەڕ تشتی کرن هەر تشت لەوماژی ئەف تاوانە ل بن جەترا فان کاڕیکتەڕێن حزبی دهێنە ئەنجام دان.

2_ نەبونا سەڕوەریا یاسایەکا بێ لایەن و شەفاف و داد و دادگەڕایێ وئێکسانیا جڤاکی .

3_ سەپاندنا باجێن قورس و قەیران و کڕیزێن جودا جودا وەک نەدانا موجا نەبونا کاڕەبێ و ئاڤێ و غاز و گاز و بەنزین و دەڕمان و خوڕاکێن تەندڕوست و ……. تاداویێ .

ئەڤ سێ هوکارە دبنەئەگەڕێ وێ کو وەلاتیێ کوردستانێ بخو بخو ببیتە حکومەت ببیتە دادگە ببیتە لەشکەر ببیتە خزمەت کوزاری ئانکو ئەو بخو کێشێن خو جاڕەسەڕکەت ژبەڕکو مێژکێ پاژڤەڕویێ خێلەکێ و ئاینی و مەزهەبی ڕێکێ نادەت یاسا ڕولێ خو ببینیت کابڕایەک یێ ماموستایەکێ زانکویێ یان ڕاگرەکێ زانکویەکا ناڤدار تیرور دکەت ب سولحێت عەشائیڕی یا دهێتە ئێک لاکڕن یان کێماسیەک یا د ژیانا وی دا پەیدا دبیت ئەوێ بزاڤێت دکەت ل جهێن بەر پرسیاڕ وێ ڤاڵاهیێ پر دکەت ، یا ژ وێ سەیر و عنتیکەتر یێ دزیێ بکەت یێ دهێتە پلەبەرز کرن ! یێ تەجاوزێ بکەت یێ دهێتە قەرەبوکرن ! یێ داوین پیسیێ دگەت یێ دهێتە دەولەمەند کڕن ! یێ کوشتنێ دکەت کولوپا کەس یا بودهێتە هەلکرن ! لەوما ئەز دبینم کو دەستهەلاتێن نەڕێنی و نەباش جڤاکا وەک خوە بەڕهەم تینن !! ژبەر کو پەیوەندیا دناڤ بەرا لوتکێ و بناغەی وەکی مێشکو جەستەیە ئەگەر د سەری مێژکەکێ ئیفلیج وئێکسپایر هەبیت .. بێ گومان دێ جەستەکێ ئفلیج و تەلاسیما هەبیت ! لەوما ژی ب باوەرا من هندی ئەڤ دوو مالباتە حکومدار بن ڕوژانە دێ ڕێژا پاشکەفتنێ ٫ دووبەڕەکی ٫کوجکڕن ٫ نەخوشیێن جودا جودا٫ خوکوشتن ٫خەلک کوشتن٫ تەلاق ٫ رەڤاندن ٫ موعتادبون ب مادێن هوشبەر ٫ بێ کاری ٫ هەژاری ٫ کریز ٫وەستەکاری٫ رەشوە ٫ گەندەلی ، سەختەکاری ، مروڤ مروفکانێ، نەخوشی، پاشکەفتنا چڤاکی ، بێ ئاگاهیا پەربڕسیاریا ئاسایشا نەتەوی و بازڕگانی و سیاسی و لەشکەری و پەڕوەردەیی وخوراکی وژینگەهی ، ب سەدان رەنکڤەدانێن دی یێن ترسناک دێ یاخا خەلکێ کوردستانێ گرن و روژ بو ڕۆژێ دێ وێرانتر بیت ژبەرکو نەزەلامێت جاکسازیێ و پاکسازیێ نە بەلکو پێجەوانە زەلامێت بەرژەوەند جی و خودان ستراتیژو پڕۆژێن کەسوکی و مالباتی نە و بلندکرنا درویشما تەنها رێبازێن گەهشتنا مەرامێن بنە مالی بون نە نەتەوی و ئایندەیی ، لەوما ژی هندی ئەڤ خەلکە ڤێ بجینیت دەستهەلات ژی وێ هەلینیت ، و ل داویێ دبێژم مانەڤا ڤا کاودانا بژاردا خەلکێ هەرێمێ یە و پێتڤیە درازی بن .