تەکنۆڵۆژیا بو مە بو دەرد ،، بو خەلکی ژی دەڕمان ..
پەیبەڕ پەنابەر
دەما کو بەحسا تەکنولوژیایێ تێ کرن یان ناڤێ وێ تێ بهیستن ئانکو لوتکا پێشکەفتنا چڤاکێ مڕوڤی ژ هەڕ ڕویەکێ ڤە کە ب ڕیا ڤێ تەکنولوژیایێ ئارمانجێن دویڕ نێزیک کڕن ، بابەتێن مژداڕ هەستداڕکڕن ، ڤەگوهاستن و گەهاندن ئاسان کڕ ، بەڕنیاسی و پەیوەندی ئاسان کڕن ، ئابوڕ بهێز کر ، ئانکو هندی بێژی تو دەڕهەقێ ڤێ پێشکەتنێ نائی ژ هەڕ ڕویەکێ سیاسی ئابوڕی جڤاکی ب هەمی ئالی و ئاڵاڤا ڤە .لێ حەیف دناڤا مە کوڕدا دا بو زمان پیسی ، خەبەڕ بێژی ، تەشیڕ کرن ، خاپاندن ، دڕوکڕن ، دزی کڕن ، ئانکو ئەڤ تەکنولوژیا هندە پیروز و گرنگ و پتڤی بو ژیانا مروڤایەتیێ ب گشتی بو مە بو ڕەفتاڕ و کاڕڤەدان و دەماڕگیری کە ل ژێر ڕەحما ڤێ تەکنولوژیایێ ڕوژانە دەستدڕێژی ، شەلاندن ، ڕەڤاندن ، ژنک کوژی ، تەلاقدان ، فەلاقدان ، گوهبرین ، لەت لەتکڕنا زاڕوکا وکڕێتی کڕن ئانکو ب کوڕتی ب هزاڕان ڕەفتاڕێن نەرێنی سەختەکاڕی و زمان پیسی پەیداکڕن ناڤ مە دا ، ڕوژانە چەپەڕێن بێ ناڤکڕنا کەسایەتێن کوڕد ، پاڕتێن کوڕدێ ، پاڕجێن کوڕدستانێ ، کوڕد ل دەڕڤە و لناڤ خو ، هوزو تیرو عەشیڕ و ئاغا و بەگلەر هەمی پێ ناشرین کرن و تەشیر کرن ، گەهشتیە ئاستەکێ مڕوڤ شەڕ م دکەت موبایلێ ل دیوانەکێ یان دناڤا جڤاتەکێ دا ب کار بینیت ، ژبەڕکو خەبەر بێژ هندە مشە بوینە و ئەڤ زمان پیسیە گەهشتیە ئاستەکێ کو چ پێناسە بو نینن چ سنوڕ نەهێڵان چ ئەتەکێتێت کەسوکی وچڤاکی نەهێلان هەر هەمی ناشرین و لاڕێ دابرن .
ژبەڕ ڤێ فەڕە ژلایێ ڕوشنبیر و نوسەڕێن کوڕد ڤە ڕولێ خوە ببینن بو هشیار کرنا چڤاکی دا کو بشێن جڤاکەکێ ب ئەدەب و تەندڕوست بەڕهەم بینین ،ژبەرکو ئەڤ سەرە دەریە و ئەڤ رەوشتە ب راستی نە یێ سەدێ بیست و ئێکێ یە و نەیێ شاڕستانیەتا نوکە یە بەلکو ل سەر دەمێ عورفێن عەشائیڕی ژی هندەک سنور هەبون رێزگرتن هەبو زور چار سەرا زمان پیسیەکێ دبیت گوهێ وا هاتبن برین وەک سزادانەک هەمبەری بەتڕەوشتیەکێ ، لەوما پێتڤیە ئەم هەمی خو ب خودانێ ڤێ کێشێ بدانین و خو ژ ڤا گرفتا ئازاد کەین بهێلین بوچونێت جودا هەبن ، مڕوڤێن جودا هەبن لایەنێن جودا هەبن دا کو جوانی هەبیت پێکڤە ژیان هەبیت ، جینایەتی نەبیت .ب سەدان شەرو شور و ژن کوژی و تەلاق و فەلاق و ئیفلاسا، دەهمەن پیسی و بەترەوشتیا چڤاکی و شەلاندن و ئیفلاسکرنا مادی و مەعنەوی بەڕهەمێ ڤێ تەکنولوژیا یێ بون یاکو مەنەزانی ب تەندروستی بکار بینین . ژبەر ڤێ دەم هاتیە خول پرسێن نەتەوی و مروڤی و ئەخلاقی بکەینەخودان چونکی ئەم ژی بەشەکین ژ ڤی چڤاکی .