ئەم و ئاسایشا نەتەوی..

    پەیبەر پەنابەر

ئاسایشا نەتە وی وەک زاراڤ بوئێکەمین جار پشتی جەنگێ جیهانی یێ دووێ ل ئەمریکا هاتە دناڤ فەرهەنگا سیاسی دا
وە ئەمریکا شیا ڤی بکەتە پرۆژە و بکەنە چەترەک بو پاراستن و خورتکرن و دەولەمەند کرنا هەمی پێرابون و پیروزی و دەستکەفتێن سیاسی و ئابوری و جڤاکی و لەشکەری و دپلوماسی لەو ما ژی جهانەکا نوی یان مللەتەکێ نوی شیا دیروکەکا پری دەست کەفت و سەر وەری تومار کەت و بگەهینە کوپبتکا هێزێ و ببیتە ئێک ژ زلهێزێن جبهانی

دیسان ئەڤ پروژە بونەریتەکێ جیهانێ زی گەلەک ژ گەل و نەتەوێن جیهانێ سود و مفا ژێ ورگرت ، ب تایبەت ژی ئوروپا کو شیا بگەهیتە کوپیتکا پێشکەفتنێ و ئارامیێ و پێکڤە ژیانێ وە ببیتە ئارامگەهەک و پەناگەهەگ بو هەمی گەل و مللەتێن جیهانێ کو ئەڤرو ل هەر دەرێ روی بکەنە ڤا وەلاتا و ژیان و ئەرک و مافێن خوە تێدا پیادەکەن، ژبەرکو ئەڤ ئاسایشا نەتەوی کرە سیستەمەک پێشکەفتی و هەڤگرتی دناڤبەرا خوە دا و شیان هندەک ئەلتەرناتیفا بو پاراستنا ئەولەهیا هەمی وەلاتێن ئوروپی دانن وخوژ رێسک و مەترسیێن دەرەکێ رزگار کەن ژ هەر رویەکێ ڤە .

لێ ئایا مە کوردا بگشتی چ کر ، ئایا ب درێژاهیا سەدەیەکێ هەر ژ سەردەمێ تیر و عەشیر و میرو میرگەهێن کوردی و لڤ و تەڤگەر و شورەش و ئەحزابێن کوردی مە شیا ئەولەهیا گیانی و مادی ب پارێزین مە شیا خوە دناڤا ڤێ ئاسایشێ دا ببینین و ببین خودان پڕوژە و ستاتو و ئابورەکێ بهێز و هێزەکا رێکخستی و ببین خودان دید و دەولەت؟
مخابن نەخێر!
نەک تە نها مە پروژکێ دیره مەودا نەبو بەلکو هەمان کالفامیا هەلەیێن دیرۆکی مە دوبارە کرن و کەتین دافێن دۆژمنێن دەر دۆر و هه مان هەلە مە د دیروکێ دا دوبارە دکرن ب تایبەت نوکەری و جاشایەتی و خوفروشی و دژبەریا ئێکو دوو کو مخابن تم و تم دبوین داردەستێن دوژمنان و دبوین دەردێ خوە و دەرمانێ خەلکێ.
لەوما ژی مە شیا گەلێن هەرێمی و دەردور هەمیا ب گەهینینە ئارمانجێن وان لێ ئەم بێ ئارمانج و بێ ستراتیژ ماین لەوما ژی بەرهەمێ وێ ئیرو گەلەکێ پتر ژ پێنجی ملیونی ل سەر دەولەمەنترین جوگرافیا روژهلاتا ناڤەراست بێ دەولەت و هەبونن و بەردەوام قوربانێ نێچیرا دۆژمن و داگیر کەراینە .
گەلێن جیهانێ ب تایبەت ژی دەردور شیان مە ئاسمیلە بکەن و جینو ساید بکەن و ئەنفال و دەرپەدەر بکەن و مە نە شیا گیانێ خوە سامانێ خوە دەولەمەندیا خاکا خوە ژێ ب پارێزین . دەولەتەکا وەکی تورکیا شیا ب مە ببیتە دەولەت و دماوێ بیست و پێنچ سالا دا مە ب دیروک و چاند و زمان و خاک و نشتیمان ڤە ئاسمیلە بکەت و کومکوژ بکەت لێ مە نەشیا د سیهسالا دا ببین مللەت و دەولەت و خودان لەشکەر و هەیمەنەت .
لەوما ژی گەلەگ فرسەت کەتن پێشبەری مە لێ مە نکاری وەرجەرخانا ژێ دروست کەین
میناکا هەرە زێندی و بەرچاڤ هەرێما کوردستانا باشور و دەلیڤا زێرینا نوتو ئێکێ کو ب پشتەڤانیا هێز و لایێنێن جیهانێ و هەڤگرتی هاتیە پێشیا مە ب پشتەڤانی و زەمینە سازیا جیهانێ لێ ژ نەبونا هیج پروژەکێ مە نکاری ببین دەولەت و د بیاڤێن جودا جودا دا مە سەرکەفتن نە ئینان چ ژلایێ سیاسی چ ژلایێ ئابوری چ ژلایێ سەربازی و دبلوماسی.
لەوما ژی ماینە ب لەت لەتکرنا ئەڤا مای ڤە و بوینە گەندەل و مشەخوەر و داردەستێن دۆژمان و کەتین گیانێ هەڤ و هەر چ جوانیا هەی مە کرێت و ناشرین کر و بوین لێبوک د دەستێن دۆژمن و داگیر کەرا دا ژ بەر کو مە سەروک و رێبەرێن کاریزما و ژێهاتی نەبون وەک (تیودوهرتزل) ب کیمترین قوربانی ب هێزترین دەولەت بخو چێکەین یام وەکی (لینکولن) ببین زلهێزێن جیهانی و ئەم نەبوین( لی کوان یو ) وەلاتەکێ وەکی سنگافور بنیات نین ، تەنانەت مەنە شیا ژ کەڤلوژانکێ مێژکێ ئولی و خێلەکی دەربازی جیهانا سیکولاریزم و مودێرنیزم و گلوبالیزمێ ببین دا کو مە ژی ئاسایشا خوە هەبیت و وەلاتێ خوە هەبین و گەل کێ خوش بەخت هەبیت .ماین ب گەندەلی و مشەخوریێ و حزبە حزبانێ ڤە. لەو ما نەبوین خودان ئابورەکێ دەولەمەند کو ژێرخانا وەلاتەمێ پێ دانین نەبوین خودان هێز و لەشکەرەکێ ئەکادیمی خوە و دەستکەفتێن خوە پێ ب پارێزین ، نەبوین خودان جڤاکەکێ روشنبیر و ئاست بلند خودان دید و پروژە بین لەوما ژی هەر کوێلە و دویڤەلانک و داگیر کری ماین .