ئێکەتیا کوردو فارسا ددیروکێ دا
پــەیـبـەر پـەنـابـەر 
(ئێکەتیا کوردوفارساددیروکێ دا)..
بهوریێ (رابردوو) یێ مە بو مە دیار دكەت كو كورد و فارس د هەمی دەما دا هەڤدەرت و ئێك ئێش وئازاروسەربور بوینە . تەنانەت د هەلبژارتنێن ئاینی و باوەریا دا هەر د گەلێك بونە د خوشی و تالیا و شاهی و سەمایان دا هەڤال هەڤدەرت بوونە .
د چاخێ دەولەتێن ( گوتی ، كاسی ، كەیان ماد ) یان دە فارس سەر ب كوردا ڤەبونە و د چاخێ دەولەتا ( پێشدادی و ئەخامەنشی و ساسانیاندا )
كورد سەر ب فارسان ڤە بونە ..
و هەر دەمەكا ژ ئێك جودا ببان یێن كەفتیە ژێر دەستهەلاتا خەلكی و جارەك دن بزاڤا كری ئێك دوو بگرن ، ئەڤە ژی ب تایبەتی ل چاخێ دەولەتا ( كەلدە ، ئاسوور ، عەمالیقە ) دا بویە ب تایبەتی ژ لایێ هەلبژ لاارتنا ئاین و باوەری دیسان كورد و فارس تێكەلیا ئێك دوو هەبویە، ژ بەرڤێ ژی وانا ئاینی ( زەرەدەشت ، هورموزد ) وانا هەلبژارتینە .
و دشەر كرنا د گەل ئیسلامێ ئەڤە پێكڤەبوون، ل دەستپیكێ كوردا شەركریە و پاشان بویە ئیسلام پاشان فارسان ب هەمان شێوە شەركریە وبونە و ئیسلام . د هەلبژارتنا ئولزا یان(مزهەبێ) ( شیعە ) هندەك ژ كوردان چونە پال فارسان، د ڤێرێ دا ناڤێ هندەك ژ وان كوردان دێ بێژین ( لور ، كەلور ، شادرلی ، بادەلی ، كەرەشەلی ، بەختیاری ، كەلیایی ، سینامیلی ، بەهر مازی ، پلیگان ، ئەشمیشارت ، لەك ) و گەلەكێن دن ژی كو نێزیكی( سەد تیرا ) بون ئەڤە هەمی ( ئیمامێ عەلی ) ب خەلیفێ ئێكێ ییێ خو دزانن، تەنانەت هندەك ژ شیعا كە دوورترن ( نعوز باللە ) ئیمامێ عەلی ب خودێ دزانیت تیرا ( نانەكولی و دیرسملی ) ژ ڤانا نە كو دبێژنێ تیرا ( عەلی اللهی ) .
دەربارەی تێكەلبونا ئێكەتیا كورد و فارسا زانایێن مێژۆ نڤیس دبێژن ل دوماهیا ژ ناڤچونا دەولەتا ( ماد ) و ژ ئەنجامێ هندەك گهورنێن سروشتی بەشەكێ زور ژ ( مادیا ) تێكەلی فارسان بونە و بەشەكێ دی ژی چوینە ناڤ كوردێن زاگروس لێ سەروكێن وان ل پایتەختا ( فارس ) ان ماینە . ب شول و كارێن گرنگ ڤە دمژویل بونە . تەنانەت ( كواكسار ) كو سەر دارەكێ كورد بوو د ناڤ لەشكەرێ چهەكێ تایبەت ( كوروش دا جهەكێ زورێ بلند هەبوو . و ژ ئەگەرا ڤان كوردا هەمی دەما لەشكەرێ كوردا بوو كورش ئامادە كریە، دكتور : ( فریج ) د كتێبا كوردێن لورستانێ دا دبێژیت:_ جەژنێن كوردی كو هەمی سالا كورد دكەن ب ئەگەرا ئازادبونا وان ژ دەستێ ( زوهاك ) ێ عەرەب هەر ئەو جەژنە ژی ل نك فارسا بهایێ خوە هەیە ئەو ژی د دەمەكێ تایبەتی دادكەن .
هندەك دبێژنە ڤێ جەژنێ جەژنا ( مهرەجان = مەهرەگان )، هندی دبێژنێ جەژنا ( دەماوەند ) ێ بێگومان جەژنا ( دەماوەند و مەهرەگان ) هەر دوو هەر جەژنا كوردی یا كاوەیێ ئاسنگەرە و هەر ئێكن .
لێ بەلێ ل سالا ( 907 ) ێ كوچی ژ ئەگەرا رویدانا هندەك بویەرا تێكەلیا كوردا و فارسا ب هەڤرا یا نە ل باری بوو ( شاە سمایلێ سەفەوی ) د وی دەمی دا بو ب چه كرنا دەولەتا خوە كەفتیە سەر بەلاڤكرنا مەزهەبێ (شیعە) ل ئیرانێ و ب چاڤەكێ سڤك سەه دكرە مەزهەبێ (سونی) و سونیا دڤی دەمی دا ( سولتان سەلیم ) ێ تورك دەرفەت دیت دگەل ( مەلا ئیدریسێ بەدلیسی ) دەست ب پروپاغاندێ كر دناڤ عوسمانیێن سونی مەزهەب و گەلەك پەیمان بو دانا ژ بەر ڤێ بەشەكێ زور ژ كوردان بینە ئالی گریێن فارسان وجونە ئالیێ شیعێن ئیرانێ ..و بەشەكێ هەرێ مەزن ژی خوە كرن ئالیگرێن توركان .و هەر ل سەر ڤێ خرابكاریێ بو كو سوپایێ
( شا سمائیل ) ل ( چالدێران ) ب جارەكێ توشی شكەستنێ و فەوتینێ بویە.. كو هەتا نوكە ژی مێژوو ل سەر ڤێ بویەرێ دچیت ئەڤە ل سالا ( 920 ) ێ رویدا بویە .
دیروكا توركا ڤێ شكەستنێ ب كلیلەكێ دزانن بو هەلگرتنا دەرگەهێ ئارمانج و هیڤیێن خوە . یێن ئایندەی توركا و پەیدابونا مەزناتیێ و بهێزیا خوە ل دەڤەرا ئاسیا ناڤەراست .پەیمان نامەیا( سولتان سەلیمێ عسمانی) تەنێ هندەك باسێ كوردا كریە كەجی باسی كریارێن وان نەكریە.. لێ د بەرگێ دوویێ د مێژوا ناڤەروكا پەیمان نامێ دا ئانكو د ناڤەروكێ دا وێ پەیمانێ وان بەندا د دانیتە پێش چاڤ .
(كورشێ مەزن) یێ شاهێ ئیرانێ ب پشتەڤانیا دوو چڤاكێن چاڤ نە ترس ئانكو كورد و فارس دڤیا جیهانگیری كربا هەر چەندە شیایە هەتا ئەندازەكێ وەلاتێ خوە ب دەست و باسكێن كوردو فارسا مەزن بكەت ل روژئاڤایێ هەتا رویبارێ ( هالیس _ قزل ئیرموق ) چویە و ل روژهەلاتێ هەتا پشت (رویبارێ سەیحون ) چویە هندی كورش یێ ساخ بوی ئەڤ دوو رەگەزە چاڤ نەترس بونە و فەرماندار بونە و مل ب مل ل هەمی جهەكێ شەر و سەربازی پێكڤە كریە .ب كورتی دبێژم هەر وەكو ئاڤ ژ دوو رەگەزێن تێكەل ئانكو ( ئوكسجین و هیدروجین ) پێك هاتیە و پەیڤا ئیران ژی ژ دوو رەگەزا پێكهاتیە ئەو ژی كورد و فارس بوونە ،ئانكو ئەگەر كور نەبن فارس هەر فارسە و نابێژنێ ( ئیرانی ) و ئەگەر فارس ژی نەبیت پەیڤا ( ئیران ) تەنێ بو كوردان ژی ب كار نائێت .
ـــــــــــــــــــــــــــــــــــــ
دەهمەن..كورد وكوردستان/مەردوخی .وەرگێران پەیبەر پەنابەر.