ئوکرانیا د شبت کوردستانێ بەلێ (ئوکرانی نەوەکی کوردانە)

نزار بێجان

ل دەستپێکێ سپاس کو گەلێ کورد گەلەکی مروڤپەروەر و جان دوستە، هەردەم و نها ژی ل سەر مژارا (ئوکرانیا)يێ هەستێ خوە یێ مرۆڤانی و گیان دوستی دەردببڕە؛ لێ بەلێ ئەڤ دلوڤانیا کوردا بۆ مرۆڤا تێرا مە ناکت، دڤێت نەبتنێ دلسوز و دلداری! پێتڤیە د هەمان دەمێدا زانا و هوشمەند ژی بت؛ چونکی دەمێ تو ل تورێن جڤاکی پوستێن پتریا کوردا لسەر بویەرێن (ئوکرانیا)یێ دبینی، تو دزانی کو خوەدانێن ئەڤان پوستا لسەر رەوشا ڕوسیا و ئوکرانیایێ نەدهایدارن و چ ژ دیرۆک، عەردنیگاری، هەڤنیشتی، نەتەوە، زمان و کولتورێ ئوکرانیا نزانن نە شارەزانە.

لەوما من دڤێت بێژم هەڤ ئالێن خوە یێن میدیا یا جڤاکی: ئوکرانیا دشبت کوردستانێ، بەلێ ئوکرانی دشبن ترکمەنا چاوا و ژبەر چی؟! کوردستان وەلاتێ کوردایە خوەرست و د هەبوونا خوەدا سەربخوەڤەیە، کورد و تەڤگەرێن خوە ب سەدان سالە د سەرهلدان و بەرخوەدانا داینە ژبەر کو کورد و کوردستان بێ خوەدان و پالپشت بوون، تا نها ژی ئازاد و رزگار نەبوینە. دڤێرێدا ئەم دشێین بێژین ئوکرانیا دشبت کوردستانێ، بەلێ ئوکرانی و تەڤگەرا خوە یا نها دشبن ترکمەنا و بەرەیێ ترکمانکومانی. بۆ نمونە:

کوردستان د رەسەندا وەلاتێ کوردایە، هەمو باژارێن وێ بگشتی گەلەک نەتەو و ئەتنیکێن جودا دناڤا خوەدا حەواندینە، همبێز کرینە و بتایبەتی ژی باژارێ کەرکوکێ، کوردستانیە و بهەموو دەولەمەندی یێن خوەڤە ژی، بێ گومان خودانا ناسنامەیا کوردیە.

ئوکرانیا ژی درەسەندا بنگاها دیروکچاند، زمان ئۆل، نەتەو و ئابورا ڕوسیایە، چارێکەک ژ وەلاتێ ئوکرانیا دوو نەتەوە، دوو زمان و دوو رێبازێن عیساتیا دناڤا خوەدا دحەوینت.

وەکهەڤیا ئوکرانیا و کوردستانێ؟! ئوکرانی یێن نها دسەرهلدانێ دە، هەر وەکی کو ترکمەنێن کەرکوکێ خو ب ترکیا ڤە گرێدن و بێژن: ئەم ترکین و کەرکوک باژێرێ مەیە و ئەم ناخوازین سەر ب عێراقێ یان کوردستانێ ڤە بین، مە دڤێت ئێکسەر ببین هەڤپەیمانا ترکیا.

ئها هەر وەکی ئەڤی میناکێ، ئەمریکا و ڕوژئاڤاییا دڤێت ئوکرانیاێ بکار بینن ژبو بەرژەوەندی یێن خوە یێن ئابور و پێشەروژێ ئەو ڕوسیا یا پرتکی هێژ پارچە و بژالەتر لێ بکن. ئەگەر راستە دەستێ دەرەکی بەرژەوەند پەرست لپشت ئوکرانیاێ نەبایە، دا نها ئوکرانیا دلیستا ترورێدا جهـ گرت، بەلێ ژبو برژەوەندیێن خوە مافی ددن ڤێ رژێمێ، کو زاڕوک و دانعەمرێن خوە ژی ب چەک بێخن و دژی ڕوسیا شەری بکن، ب پروپاگندێن خوە ئەڤان ئوکرانی یێن نفش نازی، ب پتر پال ددن خوکوژیێ و خەلاتێن قەهرەمانیێ پێ دبەخشن.